PROGRAMAS E ACTIVIDADES
NA CIDADE DE SANTIAGO
ACTIVIDADES FORMATIVAS
Desde este servizo municipal lévanse a cabo varias actividades formativas ao longo do ano que xorden como resultado da colaboración entre profesionais e colectivos, e que pretenden dar acollida a mozos e mozas con diferentes motivacións.
Unha das temáticas que se tratan nestes cursos son as novas tecnoloxías arredor das cales ao longo do ano se desenvolven diversas propostas formativas para que os mozos e mozas non se acheguen só como receptores das diferentes posibilidades da tecnoloxía, senón que se convirtan en axentes activos no deseño de produtos propios axeitados as súas necesidades. Ademais ofrécense cursos con outras temáticas distintas relacionadas coa imaxe ou co deporte como cursos de fotografía, realización de documentais, cursos de capoeira ou break-dance...
A formación musical para os grupos que realizan os seus ensaios nos Locais Municipais de Música para a Xuventude de Compostela é outro dos nosos centros de interese que canalizamos a través da proposta de producción e coaching musical, jam sesións ou máster class.
Proposta formativa do Centro Sociocultural e Xuvenil Municipal O Ensanche
Proposta formativa nos Locais Municipais de Música para a Xuventude
de Compostela
ACTIVIDADES DOS CLUBS
Con sede no Centro Sociocultural e Xuvenil Municipal O Ensanche, creáronse dous clubs que dan resposta ao interese de colectivos xuvenís ao redor do xogo de rol e a tenencia de animais de compañía.
CLUB SÓ LLES FALTA FALAR
http://www.sollesfaltafalar.org/
CLUB DE ROL DO ENSANCHE
CERTAME MUSICAXOVE
Na liña de apoio á creatividade musical créase este Certame que, ademais de ter como destinatarios aos artistas emerxentes que manteñen a súa actividade en Santiago, ábrese ao intercambio e á ampliación do circuíto, dando cabida a todas aquelas bandas e solistas que desenvolvan a súa actividade en Galicia.
EDICIÓNS ANTERIORES
2008
Descarga de MP3- Metal
- Hip-Hop
- Autor-Folk
- Pop-Rock
Thinking Twice
- Y si lo tienes
2009
Descarga de MP3- Metal
- Hip-Hop
- Autor-Folk e outras músicas
- Pop-Rock
2010
EDICIÓN ACTUAL 2011
PROGRAMA DE CULTURA URBANA COMPOSTELA SKATE
Dentro das actividades para a xuventude que desenvolve este servizo municipal, contémplase a organización dun evento relacionado con diferentes expresións da cultura urbana, buscando a colaboración con colectivos que traballan neste ámbito.
Con tal motivo creouse o programa anual COMPOSTELASKATE, que vai pola súa segunda edición, e que acolle: Exhibición de Graffiti, Exhibición Breakdance, Concerto de Hip-hop, exposicións, talleres…, actuando como punto de encontro no que se dean cita diferentes colectivos interesados.
EDICIÓNS ANTERIORES
2009
2010
CARPA ITINERANTE POLOS CENTROS DE ENSINO
Con carácter itinerante realízase nos diferentes institutos de Educación Secundaria da cidade, o programa INFORMAXOVE. Trátase de que grupos de estudantes de cada centro participen en catro sesións de traballo dirixidas por profesionais de colectivos con experiencia nestes contidos (Centro Xuvenil Don Bosco, Xeneme Intervención Social e IGAXES) sobre os seguintes centros de interese:
- Educación Afectivo Sexual
Voluntariado 010
Programa europeo Xuventude en Acción
Xuventude e cidadanía
Ademais, esta iniciativa conta cunha mesa informativa onde atopar recursos sobre os diversos programas e actividades que desenvolve o Concello de Santiago e outras entidades para a xuventude.
PROGRAMA DE VOLUNTARIADO
O achegamento á xuventude compostelana a través da iniciativa INFORMAXOVE, ten como segundo obxectivo constituír un grupo de voluntariado que, ao longo dos meses de verán realice un conxunto de labores que durante deste tempo permita a consolidación dun labor de voluntariado dos xóvenes participantes nesta iniciativa. De maneira resumida consideramos como prioritarias as seguintes accións de voluntariado:
- 1.- Información para colectivos xuvenís que visiten Santiago, a través de centros de ensino, institutos, asociacións xuvenís ou outras entidades.
- 2.- Orientación e asesoramento a xóvenes inmigrantes que lles permita unha aproximación á vida cotiá da cidade, coa pretensión de facilitar a súa integración social.
- 3.- Apoio aos labores organizativos e de desenvolvemento de eventos culturais ao longo dos meses de verán e doutras épocas sinaladas do ano.
- 4.- Servizo de acollida a persoas que viaxen á nosa cidade con animais de compañía.
- 5.- Outras iniciativas que vaian xurdindo e que sexan de interese para a actividade do voluntariado.
PROGRAMA DE APOIO AO ASOCIACIONISMO
Abriuse no curso 1999-2000 unha liña estable de apoio económico e material para a xuventude, que permita desenvolver iniciativas. A súa periodicidade anual posibilita ás asociacións prever uns recursos para executar as actividades previstas, xunto ao deseño e a creación de novas propostas.
- Promover e apoiar a realización de programas e actividades educativas e culturais que impulsen a mellora da calidade educativa e a dinamización cultural nos centros de ensino da cidade.
- Potenciar proxectos e actividades na liña da renovación pedagóxica que impliquen á comunidade educativa e vinculen educación, cultura e valores no ámbito da cidade.
- Atender á realización de propostas educativas e á creación de instrumentos e materiais didácticos sobre a cidade ou que desenvolvan eixos transversais a partir da realidade social de Santiago de Compostela.
- Promover e apoiar iniciativas que, no ámbito da xuventude de Compostela, se produzan nos centros de ensino e nos colectivos e asociacións.
ACTIVIDADES OBXECTO DE SUBVENCIÓN
- Promoción da lingua galega.
- Coñecemento da cidade e o seu contorno.
- Actividades relacionadas cos temas transversais.
- Publicacións periódicas (revistas, boletíns…) de centro ou de colectivos xuvenís e edición de materiais didácticos.
- Novas tecnoloxías e redes telemáticas.
- Integración do alumnado con eivas.
- Actividades extraescolares de animación cultural e educación no tempo libre.
A QUEN VAN DIRIXIDAS:
- Aos centros de Educación Secundaria.
- Ás asociacións xuvenís e colectivos.
PROGRAMAS EUROPEOS
O Programa de acción comunitario XUVENTUDE, encóntrase entre as prioridades que a Comisión Europea establece no marco deste programa para o período 2009-2013, co obxectivo de mellorar a calidade da formación da xuventude con vistas a incrementar as súas posibilidades de emprego e a participación activa. Integra os antigos programas A Xuventude con Europa e Servizo Voluntario Europeo. Para potenciar este programa e favorecer a presenza de mozos e mozas da cidade e de distintos colectivos xuvenís, creouse o Servizo local de accións do programa europeo Xuventude en Acción.
O programa “A xuventude en acción” está estruturado en cinco accións operativas:
- Acción 1: A xuventude con Europa
(Intercambios de xóvenes, Iniciativas dos xóvenes, Proxectos de xóvenes e democracia) - Acción 2: Servicio voluntario europeo
- Acción 3: A xuventude no mundo
(Cooperación cos países veciños da Unión Europea, Cooperación con outros países do mundo) - Acción 4: Sistemas de apoio á xuventude
- Acción 5: Apoio á cooperación europea no ámbito da xuventude (Encontros de xóvenes e responsables das políticas de xuventude, Apoio ás actividades a favor dun mellor coñecemento do ámbito da xuventude, Cooperación con organizacións internacionais.)
Información:
Departamento de Xuventude
Tfno.: 981 543 001. Fax: 981 543 002
Correo electrónico: dptoxuventude@santiagodecompostela.org
Escola de Tempo Libre Don Bosco. Tfno.: 981 582 243
www.europa.eu/youth/index.cfm?l_id=ES
www.juventudenaccion.migualdad.es
PROGRAMA DE EDUCACIÓN AFECTIVO SEXUAL
En colaboración con aquelas institucións e colectivos que están a traballar esta temática potenciarase as actividades do programa de educación afectivo-sexual que se están a desenvolver nos institutos da cidade. Deste xeito, poderanse traballar todos os valores e actitudes necesarios para desenvolver unha educación afectivo-sexual que dea resposta ás necesidades e intereses dos mozos e mozas composteláns no seu proceso de crecemento e madurez.
Así mesmo, o programa vertebra as súas redes de cara á comunidade, xerando un servizo de información e asesoramento de EAS para a xuventude compostelá de cara a se converter nun referente para todos/as aqueles e aquelas que desexen obter información, asesoramento e resposta diante de calquer problemática ou dúbida.
Os contidos e medios da campaña son:
- Obradoiro de sexualidade para grupos clase
- Curso de EAS para o profesorado de Compostela e da comarca
- Creación de grupos extraescolares co deseño dunha campaña de promoción da EAS nos IES
- Visitas ao centro “Quérote”
PROGRAMA DE EMPRENDEMENTO
Para fomentar a cultura emprendedora entre os xóvenes e dar resposta ás demandas relacionadas coa ocupación e o desemprego, o Concello de Santiago, a través da Concellería de Promoción Económica e Emprego, conta cun conxunto de programas e de recursos que é necesario difundir entre a poboación xoven de Compostela. Segundo os datos da Oficina de Promoción Económica, aproximadamente o 80% das persoas usuarias dos distintos programas que alí se desenvolven son persoas mozas.
Como programas específicos para a mocidade, contamos con iniciativas como:
- Servizo de Apoio á Empresa (SAE)
- Xornada Emprende en Compostela
- Concurso de novas ideas empresariais
- Axudas para a creación de novas empresas
- Rede de cooperación local
- Plan de Formación do Concello de Santiago
- Cursos FIP
- Programas de cooperación
- Bolsa de Emprego
PROGRAMA DE PREVENCIÓN DE DROGODEPENDENCIAS
A UMAD pon a disposición dos centros de ensino da cidade, das asociación xuvenís e doutros colectivos, un conxunto de recursos: sesións informativas, recomendacións sanitarias, cursos, asesoramento psicopedagóxico, por citar algúns. Máis información en:
www.santiagodecompostela.org/umad/
PROGRAMA DE PRÉSTAMO DE BICICLETAS NA CIDADE DE SANTIAGO
Concello e Universidade dispoñen de servizos de fomento do uso da bicicleta.
- Os puntos de préstamo a disposición dos usuarios son:
- Estación de autobuses
Multiusos Fontes do Sar
Complexo deportivo de Santa Isabel
Praza Roxa (parque de Ramírez)
Área Central
Campus Sur (campo de hóckey)
Campus Norte (residencia universitaria)
O horario de funcionamento
Verán: de 8.00 a 22.00 horas
Inverno: de 09.00 a 18.00 horas 8.00 a 20.00 horas
Para máis información:
Tussa: Sociedade Municipal de Xestión do Transporte Urbano
Praza de Camilo Díaz Valiño s/n 15704 Santiago de Compostela
Teléfono: 981 568 210
