ESPAZOS

» CENTRO SOCIOCULTURAL E XUVENIL MUNICIPAL
O ENSANCHE

» LOCAIS MUNICIPAIS DE MÚSICA PARA A XUVENTUDE
DE COMPOSTELA

» A NAVE. CENTRO XOVE DE CREACIÓN CULTURAL

CENTRO SOCIOCULTURAL E XUVENIL MUNICIPAL
O ENSANCHE

O Centro Sociocultural e Xuvenil Municipal O Ensanche é un equipamento xestionado polo Concello de Santiago, de acordo cun convenio subscrito coa Deputación Provincial da Coruña e a Fundación Caixa Galicia. Alberga servizos municipais de Xuventude e de Centros Socioculturais, así como a Biblioteca Fundación Caixa Galicia. Tamén conta cun servizo de asistencia social para o Ensanche.

SERVIZOS QUE SE OFRECEN

NOVAS TECNOLOXÍAS
ESPAZO DE FORMACIÓN
CLUBS
Club de rol
Club só lles falta falar
CURSOS DE FORMACIÓN DOUTRAS ENTIDADES
ESPAZO DE LIBRE ACCESO A INTERNET
ESPAZO DE XOGO
ÁREA DE EXPOSICIÓNS
ÁREA DE INFORMACIÓN XUVENIL

Acolle tamén a Oficina Municipal de Información Xuvenil (OMIX) na que se desenvolven tarefas de orientación e información.

Ficha inscrición nas actividades

voltar ao índice

LOCAIS MUNICIPAIS DE MÚSICA PARA A XUVENTUDE
DE COMPOSTELA

voltar ao índice

Os grupos musicais da cidade dispoñen dun local con dúas salas independentes para ensaios, situadas nos baixos do fondo sur do estadio de San Lázaro, e habilitadas co material básico necesario para os ensaios.

Desde a súa posta en marcha e de acordo cos grupos que foron incorporándose a este equipamento, desenvolvemos un labor de promoción e difusión das súas actividades e a realización de concertos, ben organizados por este servizo municipal ou a través de colaboracións con outras institucións, colectivos, salas de concertos, empresas, entre outros axentes; sempre como accións que incidan no obxectivo proposto.

Así mesmo, editamos unha publicación que recolle un número importante dos grupos que ensaian nos Locais Municipais de Música para a Xuventude de Compostela, como un recurso importante para a promoción das bandas que alí teñen o seu punto de encontro e de práctica da música, dirixida e distribuída entre a prensa especializada, departamentos de cultura e de festas dos concellos de Galicia, produtores musicais, salas de música e promotores de concertos.

Ademais, nesta liña de apoio á creatividade musical creouse o Certame anual MÚSICAXOVE que, ademais de ter como destinatarios aos artistas emerxentes que manteñen a súa actividade en Santiago, ábrese ao intercambio e á ampliación do circuíto, dando cabida a todas aquelas bandas e solistas que desenvolvan a súa actividade en Galicia.

Normas de uso

Ficha de inscrición

Grupos dos Locais

http://sites.google.com/site/nsaiosantiago/

voltar ao índice

A NAVE. CENTRO XOVE DE CREACIÓN CULTURAL

voltar ao índice

Click para ver vídeo

Un equipamento que permite a realización de distintas actividades de formación, a prestación de servizos que na medida das posibilidades favorecen os procesos de creación cultural, informacións de todo tipo, axenda de actividades mensual, promoción de intercambios con outras cidades; e un espazo estable que permita exposicións de todo tipo, traballo artístico e a súa capacidade de organización.

A dinamización que se pretende para este equipamento municipal é servir de trampolín dos artistas máis novos que por razóns diversas non contan con lugares estables onde desenvolver o proceso creativo.

Trátase pois de crear un soporte estable, con medios accesibles, xerado polo Concello de Santiago a través dos servizos municipais de Xuventude e de Educación, na perspectiva da racionalización dos recursos existentes na cidade, ben sexan os directamente municipais ou presentes no conxunto da cidade, dependentes doutras institucións e do sector privado.

ESPAZOS E ACTIVIDADES