Servizos prestados pola Policía Local

Mon, 30 Nov 2015 15:06:00 +0200

Xefatura do Corpo

SERVIZOS PRESTADOS POLA POLICÍA LOCAL
(Dende as 08:00 h do día 15 ata as 08:00 h do día 16 de abril)

ACCIDENTES

Nas últimas 24 horas o Equipo de Atestados da Policía Local rexistrou SEIS accidentes na cidade:

- Ás 07.30 horas na rotonda de Pontepedriña, entre dous vehículos, con resultado de danos materiais.
- Ás 12.05 horas, na SC-20 á altura de Volta de Castro, entre dous vehículos co resultado de danos materiais.
- Ás 12.35 horas, na Glorieta do Restollal, entre dous vehículos, co resultado de danos materiais.
- Ás 17.00 horas prodúcese un atropelo na confluencia das rúas Santiago de Chile con Frei Rosendo Salvado, dun vehículo a un peón de 21 anos de idade que cruzaba, resultando ferido leve.
- Ás 20.30 horas prodúcese outro atropelo, por parte dun vehículo a unha nena de 6 anos que resulta ferida leve, na rúa Ulla.
- Ás 21.00 horas na rúa Antón Fraguas, consistente nunha saída de vía dunha motocicleta. Os dous ocupantes resultaron feridos leves.

INTERVENCIÓNS

- Acódese a un incendio na rúa Santa Comba onde, onde se comproba que sae fume por debaixo da porta dun piso e que ninguén contesta ás chamadas, polo que se decide entrar neste. Compróbase que non hai ninguén no seu interior e os bombeiros sufocan o incendio, que ten como foco o forno da cociña.
- Ás 19.00 horas, acódese á Avda. de Villagarcia, onde se observa como sae fume dun vehículo, posiblemente por un curtocircuíto, polo que é desconectada a batería, solucionando o problema.
- Na rúa París, identifícase o condutor dun turismo que o pasado día 2 causara danos nun camión da empresa DUCO, incautándose un mango dun machado no interior do vehículo, que tamén é incautado.

Modificacións no tráfico por mor da Carreira Ciclista da Ascensión

Sun, 30 Nov 2014 14:52:00 +0200

O xoves 17 de maio terá lugar a Carreira Ciclista da Ascensión. Os participantes concentraranse entre as 14.00 h e as 15.00 h na avenida Xoán Carlos I e a saída neutralizada terá lugar ás 15.00 horas. O percorrido será o seguinte: Rosalía de Castro, Romero Donallo, Amor Ruibal, Restollal, rotonda do Castineiriño e estrada da Estrada. Regresarán sobre as 18.00 h pola estrada de Noia, Vidán, Mestre Mateo, Camiño Novo, Rosalía de Castro e Xoán Carlos I, onde estará situada a meta.

Por este motivo, a avenida Xoán Carlos I estará cortada ao tráfico entre as 13.30 h e as 19.30 h do xoves, e non se poderá estacionar nin na devandita avenida nin na rúa Carreira do Conde durante todo o día. Habilitarase como vial alternativo a rúa Montero Ríos, en dirección praza de Galicia desde Rosalía de Castro, e o Pombal en dirección saída da cidade. No resto das rúas polas que transcorre a carreira produciranse cortes puntuais.

Todos os cortes e os desvíos estarán debidamente sinalizados e atendidos pola Policía Local. O Concello prega aos cidadáns desculpen as molestias que estas alteracións lles poidan causar.

Concello de Santiago

Servizos prestados pola Policía Local

Modificacións no tráfico por mor da Carreira Ciclista da Ascensión