PLENO

O Pleno aproba unha moción conxunta en prol da recuperación e racionalización dos servizos ferroviarios en Galicia

31/05/2022

Na sesión ordinaria do Pleno celebrada este martes, a Corporación municipal consensuou unha moción conxunta para reivindicar a recuperación dos servizos e infraestruturas ferroviarias de Galicia, con mellores frecuencias e tarifas que permitan garantir o acceso universal a todos os usuarios que se desprazan a ou desde Santiago, especialmente por motivos laborais.

Leer más

COMERCIO

"Prima 22. A festa do comercio local" dinamizará na segunda fin de semana de xuño diferentes barrios da cidade

30/05/2022

O alcalde de Santiago, Xosé Sánchez Bugallo, animou ao sector comercial e ás asociacións a participar na terceira edición de "Prima 22. A festa do comercio local", que se desenvolverá o xoves 9, o venres 10 e sábado 11 de xuño de 2022 en distintos barrios de Santiago. Un evento, sinalou o rexedor, "que pretende reforzar a aposta do Concello de Santiago polo comercio local e de proximidade". Ademais do alcalde, na presentación estivo presente a técnica responsable da área de Comercio, Lucía...

Leer más

XUNTA DE GOBERNO

Aprobadas as listaxes de admitidos nas escolas infantís e os prazos de inscrición no programa municipal de conciliación para este verán

30/05/2022

A Xunta de Goberno Local aprobou as listaxes definitivas de alumnado admitido e excluído, así como as listas de agarda, nas Escolas Infantís Municipais de Conxo, as Fontiñas e Meixonfrío-Salgueiriños para o curso 2022-2023. Tamén aprobou os prazos de solicitude e o procedemento de admisión do programa municipal de conciliación de verán 2022, que se desenvolverá en seis quendas entre o 23 de xuño e o 9 de setembro, nos CEIPs Quiroga Palacios e Monte dos Postes.

Leer más

ALCALDÍA

O día grande da Festa do Banquete de Conxo celébrase este domingo

27/05/2022

A Carballeira de Conxo acollerá finalmente este domingo o xantar e a romaría popular da Festa do Banquete, na que a cidadanía poderá desfrutar das diversas recreacións teatrais deste evento histórico, actuacións musicais e o ambiente de troula. Esta xornada festiva, prevista inicialmente para o día 22 de maio, tivo que ser aprazada por mor do mal tempo.

Leer más

MEDIO AMBIENTE

Cortan os circuitos de aire e o cableado eléctrico de varios vehículos de recollida de lixo

26/05/2022

A Policía Nacional investiga a sabotaxe acontecido a pasada noite do 25 de maio na nave que a empresa concesionaria do servizo de limpeza do concello de Santiago de Compostela, Urbaser, ten no Polígono do Tambre. Cortaron os circuitos de aire e o cableado eléctrico de varios vehículos de recollida de lixo. Son cortes limpos, realizados, segundo o parte da policía local, e tal e como se pode apreciar nas fotografías adxuntas "cun obxecto cortante".

Leer más
Compartir: