Noticias

O Auditorio de Galicia foi o escenario da I Gala do Deporte de Santiago, que reuniu a mais de 200 persoas e numerosos representantes institucionais, culturais, educativos e empresariais da cidade. Os recoñecementos recaeron nas personalidades, entidades e empresas que realizaron un labor máis destacado para o deporte compostelán este ano 2013: Verónica Boquete (deportista feminina), Borja Golán (deportista masculino), Obradoiro CAB (entidade deportiva), Moncho Fernández (adestrador), Muebles Compostela (patrocinio deportivo), Santiago Futsal...

A Cámara de Comercio e o Concello de Santiago entregaron os galardóns da décimo cuarta edición do Premio Manuel Beiras ás empresas Buydeal e Pedra Salgada e a Manuel Portas O certame, organizado nesta ocasión pola Cámara, recoñeceu un ano máis o esforzo que realizan as empresas e institucións do municipio no proceso de normalización do uso da lingua galega.

A colaboración entre as concellerías de Tráfico e Seguridade Cidadá e de Centros Socioculturais e Participación Cidada fai posible que o martes 17 de decembro, nos locais socioculturais de Marantes e de Figueiras se desenvolvan dúas charlas impartidas por axentes da Policia Local. Levan por título "Mira que te miren" e están dirixidas a persoas maiores, cunha orientación educativa para a prevención dos riscos que supón andar polas beirarrúas e beiravías en zonas rurais.

A Xunta de Goberno, na súa sesión ordinaria, aprobou as autorizacións de postos de venda ambulante no Casco Histórico. Ademais, informouse favorablemente á ampliación nunha hora da apertura dos establecementos hostaleiros durante o Nadal e prorrogouse o uso de dúas parcelas de Santa Marta como estacionamento de bordo.

O Concello de Santiago apoia por segundo ano a celebración do Mercado da Estrela. Esta gran festa do Nadal serve de escaparate do traballo de novos creadores galegos, artistas, artesáns e novos emprendedores de disciplinas como a ilustración, a moda, os complementos, os cosméticos, a fotografía ou a gastronomía. É unha oportunidade para que as súas creacións se convertan nun agasallo de Nadal. E todo isto acompañado de música, obradoiros e outras moitas actividades.

O Campus de Fútbol Vero Boquete alcanza á terceira edición. A súa protagonista e o concelleiro de Deportes, Adrián Varela, presentaron este campamento, que se celebrará do 26 ao 28 de decembro e cuxa inscrición estará aberta ata o 20 de decembro.

A Concellería de Economía organiza, en colaboración con Área Central e cofinanciada pola Deputación da Coruña, a cuarta edición en Santiago de Getting Contacts!, enmarcada no programa Santiago Investors Support. Celébrase nesta xornada de xoves en Área Central.

O alcalde compostelán, Ángel Currás, xunto cos concelleiros de Comercio, Reyes Leis, e de Festas, Francisco Noya, inaugurou na Alameda a pista de xeo, que estará aberta ata o 2 de febreiro.

A Concellería de Xuventude con fin de visibilizar o traballo dos novos grupos de música da cidade, organiza dous concertos, nos que estarán presentes catro grupos que ensaian nos Locais de Música para a Xuventude de Compostela. O primeiro destes concertos celebrarase este venres, as 21:00 horas, na Sala Sonar, coa participación de Hellorice, gañadores do último MúsicaXove, e Roberto Sobrado.

Curtocircuíto, festival organizado polo Concello de Santiago, co-financiado pola Deputación da Coruña e coa colaboración de diversas entidades, remata este venres a súa décima edición coa entrega de premios ás 20:30 horas na Zona C. No acto de clausura, no que participarán o alcalde, Ángel Currás, e o deputado provincial Ramón Tojo Lens, pasarase a curtametraxe gañadora do programa internacional. Ademais, actuará o DJ Toni B. Willis para acompañar o viño galego que se servirá...