BOMBEIROS

O Concello de Santiago, a Xunta de Galicia e a Deputación da Coruña manteñen o compromiso co servizo comarcal de bombeiros

12/03/2024

O Concello de Santiago e o consorcio provincial contraincendios e salvamento da Coruña, conformado pola Xunta e a Deputación Provincial manteñen o seu compromiso de colaboración para avanzar na comarcalización do servizo de bombeiros, tal e como se reafirmou nunha xuntanza mantida hoxe entre representantes das administracións implicadas.

Leer más

CAPITAL CULTURAL

O Teatro Principal acolle a estrea galega de Manuela Rey is in da house

12/03/2024

O Centro Dramático Galego, o Teatro Nacional Dona Maria II, o Teatro Nacional São João e o Teatro do Noroeste-Centro Dramático de Viana coproducen esta obra que recupera para a escena a historia de Manuela Rey, a actriz galega que se converteu na estrela do teatro lisboeta no século XIX. ‘Manuela Rey is in da house’ terá en Compostela tres funcións abertas ao público, o xoves 14, o venres 15 e o sábado 16, que irán precedidas dunha preestrea o mércores 13 dirixida ao estudantado universitario.

Leer más

LINGUA

Xa hai gañadoras do Enreguéifate 2024!

12/03/2024

Xa se coñecen as regueifas premiadas na sétima edición do certame Enreguéifate, o proxecto impulsado polos concellos de Ames, Carballo, Pontevedra, Santiago de Compostela e Teo que apoia a difusión da improvisación oral en verso (regueifa) para contribuír por medio dela á promoción do uso da lingua galega. Como en edicións anteriores, o certame contou con dúas categorías: unha xeral, para calquera persoa, e outra escolar, para o alumnado dos centros educativos galegos non universitarios; e cun total de seis...

Leer más

PROMOCIÓN ECONÓMICA

Reúnese o Consello Económico e Social para tecer lazos e avanzar na diversificación da base económica de Santiago

11/03/2024

A alcaldesa de Santiago, Goretti Sanmartín, presidiu a reunión do Consello Económico e Social, onde se presentaron as liñas xerais dos orzamentos municipais, os datos da evolución socioeconómica de Compostela, o calendario de traballo para este exercicio e a folla de ruta para elaborar o Plan de Acción para a Economía Social nos barrios.

Leer más

XUNTA DE GOBERNO

Apróbanse as bases da convocatoria de axudas de taxi para persoas con dificultades de mobilidade

11/03/2024

A Xunta de Goberno deu luz verde esta mañá ás bases da convocatoria de axudas individuais para usar o taxi como medio alternativo para as persoas con dificultades de mobilidade ou que presentan limitacións para o uso do transporte colectivo en Santiago. O Concello destinará 15.000 euros a estas axudas cuxo prazo de solicitude será de dez días hábiles a partir do día seguinte a publicación das bases no BOP. Tamén se aprobou a corrección que permite avanzar no proxecto de acondicionamento do inmoble que...

Leer más

DEPORTES

O Auditorio acollerá o vindeiro 18 de marzo a gala de entrega dos Premios Santiago Deporte

11/03/2024

Os VI Premios Santiago Deporte terá a súa gala o vindeiro luns, 18 de marzo. Na cerimonia, que comezará ás 20 horas, entregaranse os galardóns das 12 categorías desta edición cos que se busca recoñecer publicamente as persoas, entidades, centros educativos e empresas que polo seu labor desenvolvido ao longo da tempada 2022/23 ou no ano 2023 contribuíron ao fomento da práctica de actividade física e o deporte entre a poboación de Compostela.

Leer más

EDUCACIÓN

A Escola infantil das Fontiñas reabre mañá martes

11/03/2024

O Departamento de Educación comunica que a Escola infantil das Fontiñas trasladoulles ás familias que reabre as instalacións este martes, logo do incidente rexistrado por unha filtración de auga que obrigou a suspender a súa actividade durante a xornada deste luns co obxecto de valorar a situación e garantir a seguridade.

Leer más

CIDADES PATRIMONIO

As Cidades Patrimonio celebran o seu 30 aniversario en La Laguna

08/03/2024

O Grupo de Cidades Patrimonio da Humanidade de España celebrou este venres en La Laguna o concerto extraordinario con motivo do 30 aniversario da súa creación, un evento que se celebrou na Catedral desta cidade que ostenta a presidencia do Grupo, e que contou coa presenza do concelleiro de Urbanismo de Santiago, Iago Lestegás. O éxito do concerto, con aforamento completo, marca o comezo dunha programación que durante os próximos meses encherá de actividades culturais e espectáculos as 15 cidades españolas recoñecidas...

Leer más

IGUALDADE

Compostela celebra o Día Internacional das Mulleres coa lectura dun manifesto e co fallo do Premio Xohana Torres

08/03/2024

O Concello de Santiago conmemorou hoxe o Día Internacional das Mulleres cun acto institucional no que a alcaldesa de Santiago, Goretti Sanmartín, e representantes dos grupos municipais que integran a Corporación deron lectura a un manifesto. Tamén se celebrou a cerimonia na que se deu a coñecer o fallo do premio Xohana Torres, que recaeu na súa modalidade de ensaio/investigación en Montserrat Fajardo, polo seu traballo "Caídas" sobre "o Patronato, unha organización descoñecida para o público en xeral e...

Leer más
Compartir: