Noticias

O Concello de Santiago sumouse este domingo ao Día Mundial en Memoria das Vítimas de Accidentes de Tráfico coa colocación, no Pazo de Raxoi, dun cartel cun lazo negro que representa unha estrada, en memoria de todos os/as condutores/as que perderon a vida nun accidente e das súas familias.

O Grupo de Cidades Patrimonio da Humanidade acordou en Eivissa, na Asemblea Xeral de Alcaldes e Alcaldesas, subscribir un convenio de colaboración coa Alianza das Civilizacións da ONU. En representación de Santiago de Compostela acudiu ao encontro o concelleiro de Presidencia, Relacións Institucionais e Turismo, Sindo Guinarte.

O alcalde de Santiago, Xosé Sánchez Bugallo, e a concelleira de Acción Cultural, Mercedes Rosón, reuníronse este vernes co presidente do Parlamento de Galicia, Miguel Ángel Santalices, para coordinar a programación divulgativa das dúas institucións en relación á figura de Ricardo Carvalho Calero, a quen en 2020 se lle dedica o Día das Letras Galegas.

O alcalde de Santiago, Xosé Sánchez Bugallo, recibiu as participantes no Primeiro Encontro Internacional de Emprendemento Feminino do Proxecto Europeo Euro-Fem. No acto tamén participaron os voceiros de Compostela Aberta, Martiño Noriega, e do BNG, Goretti Sanmartín.

O Concello e a Cámara de Comercio convocan a XX edición dos Premios Manuel Beiras para recoñecer e poñer en valor as empresas que usan o galego na súa comunicación. Os galardóns entregaranse o 16 de decembro, ás 20:00 horas, no Teatro Principal, nun acto moi especial que estará cheo de lembranzas e sorpresas con motivo deste 20 aniversario.

A Concellaría de Medio Rural mantén activo o operativo para reparar os danos causados polo temporal de vento e choiva nas parroquias do rural compostelán. Púxose en marcha onte xoves ás 14:00 horas e continúa activo debido á dispersión dos danos e ás dificultades que ofrecen moitos terreos pola chuvia caída.

Dende o luns 18 ao 29 de novembro estará aberta a inscrición e matrícula no Programa Municipal de Conciliación de Nadal. Desenvolverase os días 23, 24, 26, 27, 30 e 31 de decembro de 2019 e o 2, 3 e 7 de xaneiro de 2020 no CEIP Monte dos Postes e no CEIP Ramón Cabanillas.

A concelleira de Políticas Sociais, Mila Castro, deu conta este xoves da resolución da convocatoria para a concesión de bolsas de comedor, adquisición de material escolar e realización de actividades extraescolares, que aprobou onte a Xunta de Goberno. Nesta convocatoria, dotada con 600.000 euros, xestionáronse 758 expedientes. En total, concedéronse 1.127 bolsas nas súas diferentes modalidades.

O Pleno, nunha sesión extraordinaria, aprobou esta mañá a conta xeral do ano 2018. O documento recibiu os votos favorables do grupo do Goberno e de Compostela Aberta, mentres que PP e BNG optaron pola abstención.

O alcalde de Santiago, Xosé Sánchez Bugallo, e outros/as integrantes da Corporación asistiron este venres no Restaurante TS A Casa ao comezo da XII edición do Santiago(é)Tapas e da I edición do Santiago(é)Coctel. Un total de 77 locais – a cifra máis alta dende que comezou o concurso – competirán por facerse cos premios ás mellores tapas e cócteles da capital galega. Todos eles poden consultarse na páxina web santiagoetapas.gal, así...