DEPORTE
O terceiro Día do Deporte Solidario reunirá centos de deportistas en Área Central
A concelleira de Deporte, Noa Morales, deu a coñecer esta mañá os detalles e actividades previstas para o Día do Deporte Solidario, que se celebrará este sábado 3 de xuño. Na rolda estivo acompañada da adxunta á dirección do Centro Comercial Área Central, Sara Castedo, e do organizador do evento, Enrique Vieitez.
COMERCIO E LINGUA
Arranca o V Concurso de Publicidade Comercial en Galego para fomentar o uso da lingua no pequeno comercio da cidade
A concelleira de Igualdade, Desenvolvemento Económico e Turismo, Marta Lois, presentou esta mañá a quinta edición do Concurso de Proxectos de Publicidade Comercial en Galego, un certame que pretende ser "un incentivo para a galeguización da comunicación entre as empresas e o público e tamén un recurso para promover a calidade e a creatividade nesa comunicación".
ALCALDÍA
O Concello crea a Colección SELIC, vinculada á Semana do Libro de Compostela
O alcalde presentou hoxe os primeiros cinco volumes da Colección SELIC, que nace ao abeiro da Semana do Libro de Compostela. Martiño Noriega salientou que se trata dunha "biblioteca creada ad hoc, co obxectivo de que a SELIC deixe pegada".
IGUALDADE
Constituída a Mesa Local de Coordinación contra a Violencia de Xénero
A concelleira de Igualdade, Desenvolvemento Económico e Turismo, Marta Lois, presidiu esta mañá a constitución da Mesa Local de Coordinación Interinstitucional contra a Violencia de Xénero, que reúne a diversas administracións, colectivos e entidades para tecer políticas públicas comúns que erradiquen a violencia de xénero.
ALCALDÍA
Martiño Noriega colabora coa campaña de recollida de fondos da Asociación Española contra o Cancro
O alcalde achegouse este xoves ata unha das mesas instaladas na cidade pola Asociación Española Contra o Cancro, na súa tradicional campaña de recollida de fondos. Martiño Noriega fixo entrega dun donativo para colaborar coas actividades da entidade, centradas no apoio á investigación sobre unha enfermidade que lle afecta no conxunto do Estado a máis dun millón e medio de persoas.
EDUCACIÓN E CIDADANÍA
Preto de 200 nenos e nenas participaron no Festival de Música e Movemento da Escola Municipal de Música
O Auditorio Abanca acolleu en dúas xornadas o Festival de Música e Movemento da Escola Municipal de Música, no que participaron preto de 200 nenos e nenas de 3 a 7 anos, acompañados polo seu profesorado: Beatriz Busto, Víctor Collazo, Olaia Novo e Pilar López. O alcalde de Santiago, Martiño Noriega, e o concelleiro de Educación, Manuel Dios, tamén sumaron ao evento.
EDUCACIÓN E CIDADANÍA
Ábrese o prazo de reserva e matrícula nos servizos de comedor e de madrugadores
Este venres, 2 de xuño, ábrese o prazo de matrícula nos servizos de comedor e de madrugadores na rede de centros públicos de Educación Infantil e Primaria do Concello de Santiago para o curso 2017-2018. A inscrición estará aberta ata o 23 de xuño.
O Goberno compostelán presentará emendas á Lei Galega de Benestar Animal
O Goberno local de Santiago vai presentar emendas ao proxecto de Lei de Benestar Animal que tramita a Xunta, relacionadas coa dotación orzamentaria que atinxe a municipios e deputacións.
