Concello de Santiago de Compostela

Saltar a contidos
Utilidades (Saltar):

Idiomas (Saltar):



Portada » Noticias » Noticias
ECONOMÍA

Máis de 200 persoas participan nas Xornadas Internacionais de Coaching

Momentos previos ao inicio das xornadas.
Ampliar Momentos previos ao inicio das xornadas.


Vista xeral dos participantes.
Ampliar Vista xeral dos participantes.


Intervención de Reyes Leis.
Ampliar Intervención de Reyes Leis.


Outra imaxe das xornadas.
Ampliar Outra imaxe das xornadas.


10/11/2011 A concelleira de Economía, Comercio, Turismo e Mercados, Reyes Leis, asistiu á inauguración das Xornadas Internacionais de Coaching (XIC), que se celebran no Cersia. Na inauguración tamén participaron a conselleira de Traballo e Benestar, Beatriz Mato, e a directora xeral do BIC Galicia, Maite Cancelo. Nestas xornadas, únicas en España, participan máis de 200 persoas procedentes de todo o país e mesmo do estranxeiro.

O obxectivo do evento é reunir en Santiago os principais coaches nacionais e internacionais, ao tempo que mostrar exemplos de éxito da aplicación empresarial do coaching da man de prestixiosos directivos do ámbito galego e español. Entre os participantes no XIC cabe destacar a presenza de Robert Dilts, un dos grandes mestres do Coaching, quen afirma que para ter éxito hai que apoiar o desenvolvemento da intelixencia colectiva e "especialmente hoxe, o directivo debe impulsar o traballo en equipo, debe anticiparse e innovar".

O coaching trátase dunha metodoloxía que contribúe a mellorar as habilidades e capacidades do empresario, mellorar a xestión do tempo, a humanizar as relacións laborais, avanzar na negociación, a comunicación e o desenvolvemento persoal, entre outros moitos factores.

Voltar


A miña compostela

Pon esta web máis cómoda, máis rápida, máis ao teu xeito.

Axenda


Enviar | Imprimir | Arriba

© 2005, Concello de Santiago. Pazo de Raxoi. Praza do Obradoiro. Tel.: 981 542 300 (Centraliña) 981 542 357 (Alcaldía). Aviso legal