Concello de Santiago de Compostela

Saltar a contidos
Utilidades (Saltar):

Idiomas (Saltar):



Portada » Noticias » Noticias
CIDADE HISTÓRICA

A Oficina da Cidade Histórica e de Rehabilitación, galardoada co Premio Cidades Patrimonio da Humanidade

O Ministerio recoñeceu o traballo da OCiHR no Casco Histórico.
Ampliar O Ministerio recoñeceu o traballo da OCiHR no Casco Histórico.


01/12/2010 O Ministerio de Cultura fallou os premios Cidades Patrimonio da Humanidade. O primeiro premio, dotado con 30.000 euros, foi para a Oficina da Cidade Histórica e de Rehabilitación de Santiago de Compostela (OCiHR).

Á OCiHR concedéuselle o premio pola súa actuación no casco histórico da nosa cidade, como "unha continuada intervención integral modélica, unha filosofía e un modo de proceder na actuación arquitectónica e urbanística nos ámbitos históricos, mantendo por un lado o seu carácter monumental e, por outro, favorecendo a súa habitabilidade". O proxecto premiado exemplifícase a través de trece intervencións.

Estes galardóns recompensan o labor de persoas físicas ou xurídicas no ámbito da conservación, restauración, promoción e difusión do patrimonio histórico e cultural realizada nas cidades españolas cuxos conxuntos históricos ou monumentos singulares fosen declarados Patrimonio da Humanidade pola UNESCO en calquera das súas categorías. Tamén valora a revitalización social dos conxuntos históricos e a vida nas cidades patrimoniais.

Voltar


A miña compostela

Pon esta web máis cómoda, máis rápida, máis ao teu xeito.

Axenda


Enviar | Imprimir | Arriba

© 2005, Concello de Santiago. Pazo de Raxoi. Praza do Obradoiro. Tel.: 981 542 300 (Centraliña) 981 542 357 (Alcaldía). Aviso legal