ALCALDÍA
I Carreira Solidaria pola Esclerose Múltiple
26/04/2015 O Campus universitario e a Alameda acolleron este domingo a I Carreira Solidaria pola Esclerose Múltiple, organizada pola Asociación Compostelá de Esclerose Múltiple (ACEM). O alcalde de Santiago, Agustín Hernández, deu a saída á proba. Logo, a concelleira de Servizos Sociais, María Corral, presidiu a cerimonia de entrega de premios.
Todo o recadado nesta carreira solidaria e familiar a través das inscricións dos preto de 500 participantes irá para o equipamento do novo centro que ACEM xa ten rematado en Salgueiriños.