ALCALDÍA
O alcalde recibiu o novo embaixador de Uruguai en España, Francisco Bustillo
25/04/2013 O alcalde compostelán, Ángel Currás, recibiu en Raxoi o novo embaixador de Uruguai en España, Francisco Bustillo Bonasso, de visita en Galicia.
O diplomático e o rexedor compostelán conversaron sobre os tradicionais lazos de unión entre Uruguai e Galicia e de posibles colaboracións en diversas materias. Francisco Bustillo está a manter contactos durante a súa visita con diversos axentes políticos, económicos e sociais galegos. Ademais, prepara a visita que o presidente de Uruguai, José Mujica, realizará proximamente a Galicia.