Ayuntamiento de Santiago de Compostela

Saltar a los contenidos
Utilidades (Saltar):

Idiomas (Saltar):



Portada » Noticias » Noticias
SEGURIDADE CIDADÁ

Péchanse as instalacións deportivas e centros socioculturais por mor do temporal

As instalacións deportivas, coma o pavillón de Santa Isabel, permanecerán pechadas o sábado.
Ampliar As instalacións deportivas, coma o pavillón de Santa Isabel, permanecerán pechadas o sábado.


26/02/2010 O Concello emitiu unha serie de avisos en atención ás recomendacións emitidas polos organismos competentes relativas ás precaucións que se deben adoptar ante a previsión dunha intensa borrasca con nivel de alerta vermella que afectará a Galicia entre as 17:00 horas do sábado 27 e as 4.00 h do domingo 28.

O Concello de Santiago de Compostela adoptará as seguintes medidas:

- As instalacións deportivas municipais permanecerán pechadas durante todo o sábado. O domingo abriranse normalmente para o desenvolvemento das actividades previstas.

- Os centros socioculturais estarán pechados na tarde do sábado.
- O servizo de préstamo de bicicletas quedará suspendido durante toda a fin de semana (desde o sábado pola mañá ao domingo pola tarde).

- Prégase a todos os cidadáns que non fagan uso dos seus vehículos a non ser que sexa estritamente necesario e que eviten circular por parques, xardíns e carballeiras debido ao perigo de caída de pólas ou outros elementos.

O Concello de Santiago de Compostela activará un dispositivo especial que estará integrado por efectivos da Policía Local, Bombeiros, Protección Civil e Brigada de Vías e Obras, coa colaboración das empresas concesionarias dos servizos de alumeado público, augas, limpeza, parques e xardíns, instalacións semafóricas, sinalización e servizo de grúas, e coordinado polos concelleiros de Obras e Infraestruturas, Bernardino Rama, e de Seguridade Cidadá e Circulación Viaria, Marta Álvarez-Santullano.

Teléfonos de utilidade:

112
Policía Local: 092 / 981542323
Bombeiros: 080 / 981542444

Volver


Enviar | Imprimir | Arriba

© 2005, Ayuntamiento de Santiago. Pazo de Raxoi. Praza do Obradoiro. Tel.: 981 542 300 (Centralita) 981 542 357 (Alcaldía). Aviso legal