MEDIO RURAL

O concelleiro de Medio Rural visita as actividades de verán nos centros socioculturais do rural

14/07/2022 O programa posibilita que durante as mañás do mes de xullo os nenos e nenas das parroquias poidan desfrutar de actividades de tempo libre en torno aos centros socioculturais das parroquias.

Durante a visita o concelleiro de Medio Rural, José Manuel Pichel, conversou coa rapazada e o monitorado sobre esta experiencia, que está sendo moi satisfactoria e divertida para os participantes.

Un total de 157 nenos e nenas formalizaron a inscrición neste programa que facilita ás familias compostelás a organización dos tempos vacacionais a través dunha oferta variada de actividades lúdico-educativas desenvolvidas no seo de seis centros socioculturais do rural: A Gracia , Figueiras, Nemenzo, Laraño, Lavacolla e Marrozos.

O principal obxectivo do programa é que os nenos e nenas das parroquias desfruten e se divirtan na tempada de verán con actividades de lecer, ao tempo que se promoven valores de solidariedade, igualdade, xenerosidade, … xerando actitudes de respecto á diferenza e á opinión dos demais. Deste xeito, durante o mes de xullo realízanse actividades predeportivas, xogos populares, de pistas e de auga, obradoiros creativos e ecolóxicos, andainas, ... acompañados por monitores especializados.

Compartir: