IGUALDADE
Neste espazo de aprendizaxe e intercambio falarase sobre como previr a desigualdade de xénero e a violencia machista dende a infancia, a través de diferentes recursos e estratexias para evitar a construción errónea de estereotipos e roles de xénero, intentando evitar que as novas xeracións perpetúen comportamentos sexistas ancorados dende hai tempo na sociedade.
Máis accións
As seguintes accións serán o 11 de xuño, cando Soledad Muruaga falará sobre a saúde das mulleres dende o punto de vista da súa socialización; e o 18 de xuño, coa presenza de Martina González Veiga para axudar as mulleres a coñecerse a si mesmas coa conferencia "Sexualidade feminina".
En setembro haberá dúas xornadas presenciais. A primeira, o día 10, é "Prostitución: unha ollada desde dentro", que será impartida por Amelia Tiganus. Na segunda, o 24 de setembro, proxectarase a longametraxe El proxeneta, dirixida por Mabel Lozano. Tras o visionado, haberá un coloquio coa directora. Todas as actividades son de balde. Para participar só hai que inscribirse na web de Artellando Feminismo.
Artellando Feminismo
Artellando Feminismo é un programa deseñado polo Departamento de Igualdade do Concello de Santiago, que dirixe Noa Díaz. Un conxunto de accións encamiñadas a animar á sociedade compostelá a implicarse de xeito activo na transformación social, fomentando a toma de conciencia na igualdade de dereitos e de oportunidades; recoñecendo a contribución da muller ao desenvolvemento social, económico e cultural; dando visibilidade ás desigualdades aínda existentes, promovendo a reflexión e os espazos de creación conxunta e facilitando ferramentas prácticas para desenvolver recursos a favor da igualdade real entre mulleres e homes.
As xornadas, que pretenden ser un espazo de intercambio e aprendizaxe, están dirixidas a todas as persoas interesadas en acadar unha cidadanía responsable dende a participación activa; contribuíndo de forma individual para unha construción colectiva, porque cada persoa que artella feminismo, artella igualdade.
Unha nova xornada en liña de "Artellando Feminismo" aborda este xoves os estereotipos de xénero
03/06/2020 A Concellaría de Políticas de Igualdade ofrece este xoves, de 19:00 a 20:30 horas, unha nova entrga do programa Artellando Feminismo cunha xornada en liña, de 19:00 a 20:30 horas, na que se falará sobre estereotipos de xénero. A iniciativa seguirá durante este mes de xuño con dúas novas xornadas os días 11 e 18.
Na xornada de mañá xoves, Ana Torres Jack conducirá unha sesión denominada "(Des)Aprendendo a construír estereotipos de xénero". Reflexionarase sobre situacións, tan establecidas na sociedade, que ás veces é difícil decatarse de que agochan mensaxes con prexuízos de xénero, que deixan ver as rutinas de desigualdade instaladas dende hai moito tempo.Neste espazo de aprendizaxe e intercambio falarase sobre como previr a desigualdade de xénero e a violencia machista dende a infancia, a través de diferentes recursos e estratexias para evitar a construción errónea de estereotipos e roles de xénero, intentando evitar que as novas xeracións perpetúen comportamentos sexistas ancorados dende hai tempo na sociedade.
Máis accións
As seguintes accións serán o 11 de xuño, cando Soledad Muruaga falará sobre a saúde das mulleres dende o punto de vista da súa socialización; e o 18 de xuño, coa presenza de Martina González Veiga para axudar as mulleres a coñecerse a si mesmas coa conferencia "Sexualidade feminina".
En setembro haberá dúas xornadas presenciais. A primeira, o día 10, é "Prostitución: unha ollada desde dentro", que será impartida por Amelia Tiganus. Na segunda, o 24 de setembro, proxectarase a longametraxe El proxeneta, dirixida por Mabel Lozano. Tras o visionado, haberá un coloquio coa directora. Todas as actividades son de balde. Para participar só hai que inscribirse na web de Artellando Feminismo.
Artellando Feminismo
Artellando Feminismo é un programa deseñado polo Departamento de Igualdade do Concello de Santiago, que dirixe Noa Díaz. Un conxunto de accións encamiñadas a animar á sociedade compostelá a implicarse de xeito activo na transformación social, fomentando a toma de conciencia na igualdade de dereitos e de oportunidades; recoñecendo a contribución da muller ao desenvolvemento social, económico e cultural; dando visibilidade ás desigualdades aínda existentes, promovendo a reflexión e os espazos de creación conxunta e facilitando ferramentas prácticas para desenvolver recursos a favor da igualdade real entre mulleres e homes.
As xornadas, que pretenden ser un espazo de intercambio e aprendizaxe, están dirixidas a todas as persoas interesadas en acadar unha cidadanía responsable dende a participación activa; contribuíndo de forma individual para unha construción colectiva, porque cada persoa que artella feminismo, artella igualdade.