EDUCACIÓN

Noa Díaz visita as escolas infantís municipais

24/09/2019 A concelleira de Educación, Noa Díaz, visitou este martes as escolas infantís municipais de Fontiñas, Meixonfrío-Salgueiriños e Conxo. Noa Díaz sinalou que non foron antes "porque os pequenos estaban en pleno proceso de adaptación", pero que puideron comprobar que este comezo de curso "transcorreu con normalidade".

Neste curso hai 223 nenos e nenas inscritos nas escolas infantís municipais: 53 na de Conxo, 60 na de Fontiñas, e 110 na de Meixonfrío-Salgueiriños. Aténdeos un cadro de persoal formado por 40 persoas. O curso, nas tres escolas municipais, comezou o pasado 2 de setembro, coas xuntanzas para explicar ás familias o funcionamento dos centros e as actividades que se van desenvolver ao longo do curso escolar.

Compartir: