CONSORCIO
De seguido, o público terá a oportunidade de gozar co oboísta Martín Alves, que tocará o Concerto para óboe RV 447 de Antonio Vivaldi e Omaggio a Bellini, de Antonio Pasculli, unha homenaxe ao destacado compositor do bel canto italiano. Acompañarao a pianista Eriko Ishimoto.
Pola súa parte, a pianista Haruna Takebe acompañará ao derradeiro solista da noite. Trátase do trompetista Rodrigo Iglesias, que tocará parte do Concerto para trompeta de Stölzel e o Concerto para trompeta de Haydn, co que se porá o broche final a este primeiro concerto.
Esta iniciativa de "A Escola na Cidade" continuará os días 10, 11 e 12 de xuño con novos concertos dos alumnos e alumnas da Escola de Altos Estudos Musicais, tamén no Paraninfo da Universidade de Santiago.
Alumnado da Escola de Altos Estudos Musicais ofrece este luns un concerto no Paraninfo da Universidade de Santiago
31/05/2019 A Escola de Altos Estudos Musicais (EAEM) ten en marcha a iniciativa "A Escola na Cidade", un ciclo de concertos de música de cámara interpretados polos alumnos e alumnas do Curso Avanzado de Especialización Orquestral do centro. Como colofón dos seus estudos, os/asmúsicos/as noveis protagonizarán varias actuacións nos vindeiros días, que terán lugar no Paraninfo da Universidade de Santiago, na Facultade de Xeografía e Historia. As entradas destes concertos son gratuítas ata completar aforo.
A primeira destas actuacións será este luns, 3 de xuño, ás 20:30 horas. Abrirá o concerto o percusionista Gonzalo Zandundo, que interpretará as obras de Bach Variación Goldberg nº 21 (un conxunto de pezas que o compositor escribiu por petición do conde Keyserlingk para que lle axudasen a conciliar o sono, e que lle tocaba cada noite o virtuoso clavecinista Goldberg) e un fragmento da súa Suite para laúde, seguidas de Asventuras, do compositor alemán Alexej Gerassimez, e de Attraction do francés Emmanuel Séjourné.De seguido, o público terá a oportunidade de gozar co oboísta Martín Alves, que tocará o Concerto para óboe RV 447 de Antonio Vivaldi e Omaggio a Bellini, de Antonio Pasculli, unha homenaxe ao destacado compositor do bel canto italiano. Acompañarao a pianista Eriko Ishimoto.
Pola súa parte, a pianista Haruna Takebe acompañará ao derradeiro solista da noite. Trátase do trompetista Rodrigo Iglesias, que tocará parte do Concerto para trompeta de Stölzel e o Concerto para trompeta de Haydn, co que se porá o broche final a este primeiro concerto.
Esta iniciativa de "A Escola na Cidade" continuará os días 10, 11 e 12 de xuño con novos concertos dos alumnos e alumnas da Escola de Altos Estudos Musicais, tamén no Paraninfo da Universidade de Santiago.