ALCALDÍA

Segovia acollerá o sábado 8 de xuño a última Asemblea de Alcaldes e Alcaldesas da lexislatura 2015-2019

31/05/2019 A Asemblea Xeral do Grupo de Cidades Patrimonio da Humanidade de España, máximo órgano de goberno da entidade, terá lugar en Segovia o próximo sábado 8 de xuño. Á reunión, que se celebrará ás 10:00 horas no Alcázar de Segovia, asistirán os alcaldes e alcaldesas das 15 cidades integrantes desta entidade sen ánimo de lucro e declarada de Utilidade Pública que reúne as cidades españolas cuxos cascos históricos foron inscritos na Lista do Patrimonio Mundial da UNESCO.

Esta será a última reunión de alcaldes e alcaldesas da rede na lexislatura 2015-2019 que agora chega ao seu fin. Previamente, a tarde do venres 7 de xuño, terá lugar no Parador de Segovia a xuntanza da Comisión Executiva do Grupo, preparatoria da Asemblea.

Forman parte da Asemblea do Grupo de Cidades Patrimonio da Humanidade de España: Ángel Mariscal Estrada, alcalde de Cuenca e presidente do Grupo; Javier Rodríguez Palacios, alcalde de Alcalá de Henares; José Luis Rivas Hernández, alcalde de Ávila; Dolores Marín Torres, alcaldesa de Baeza; Elena Nevado del Campo, alcaldesa de Cáceres; Isabel Ambrosio Palos, alcaldesa de Córdoba; Rafael Ruiz González, alcalde de Ibiza/Eivissa; Antonio Rodríguez Osuna, alcalde de Mérida; Carlos García Carbayo, alcalde de Salamanca; José Alberto Díaz Domínguez, alcalde de San Cristóbal de La Laguna; Martiño Noriega Sánchez, alcalde de Santiago de Compostela; Clara Luquero Nicolás, alcaldesa de Segovia, Josep Félix Ballesteros Casanova, alcalde de Tarragona, Milagros Tolón Jaime, alcaldesa de Toledo; e Antonia Olivares Martínez, alcaldesa de Úbeda.

Compartir: