LINGUA

Aberto o prazo para participar na cuarta edición do concurso #Fotolingua

09/05/2019 O Departamento Municipal de Lingua abriu este xoves, 9 de maio, o prazo de participación na cuarta edición do #Fotolingua, o concurso que pretende darlle visibilidade aos establecementos comerciais da cidade que se comprometen co uso do galego. Para participar no certame só é preciso publicar nas redes sociais Facebook ou Instagram unha imaxe na que se transmita a vitalidade da nosa lingua na actividade dunha empresa da cidade. A participación estará aberta ata o 7 de xuño.

Para participar no certame é preciso subir unha imaxe ou varias de autoría propia a Facebook ou Instagram, redes nas que está aberto o concurso. Hai que engadirlles as etiquetas #fotolingua, #establecementosengalego e ogalegovende.

A imaxe ten que reflectir claramente o uso do galego nun establecemento comercial ou hostaleiro, en calquera soporte visible para o público (escaparates, carteis, rótulos, etiquetaxe, cartas, anuncios...). A imaxe pode tirarse co móbil ou con calquera dispositivo electrónico.

O concurso dispón de dúas modalidades: premio do público e premio da organización. Para obter o premio do público a imaxe terá que ser a que máis "gústame" teña. Para lograr o premio da organización, a imaxe terá que ser a máis orixinal e creativa á hora de transmitir a mensaxe: #ogalegovende. Está en xogo unha tableta Huawei Mediapad para cada concursante que acade o galardón.

Documentos relacionados



Compartir: