CONVIVENCIA
A Caravana de Educación Viaria estará aberta ao público en horario de mañá para os centros escolares, e pola tarde para o resto do público.
O Concello colabora coa Caravana de Educación Viaria que a Fundación Mapfre trae a Santiago a próxima semana
26/04/2018 Máis dun milleiro de escolares de Santiago de entre 8 e 12 anos poderán participar na Caravana de Educación Viaria que a Fundación Mapfre traerá a Santiago entre os días 30 de abril e 4 de maio. O Concello colabora con esta actividade, dirixida a nenos e nenas de entre 8 e 12 anos.
A Caravana de Educación Viaria da Fundación Mapfre chegará este ano a 24 cidades de España e Portugal. En Santiago estará instalada do 30 de abril ao 4 de maio, no recinto feiral de Amio. Nela, expertos en seguridade viaria transmitirán a importancia de usar sistemas de retención infantil, de levar sempre o cinto abrochado, e de usar o casco ciclista. Tamén darán conta de cales son os comportamentos clave para previr os accidentes de tráfico. Nesa liña, a Caravana contará cun taller no que se promoven a convivencia, a tolerancia e o diálogo, valores que axudan a evitar os sinistros viarios. Por último, a instalación contará co chamado "Rincón da prevención", no que os escolares terán que identificar situacións de risco no colexio, no fogar ou nos espazos públicos.A Caravana de Educación Viaria estará aberta ao público en horario de mañá para os centros escolares, e pola tarde para o resto do público.