FACENDA
Do mesmo xeito se fará co medio rural incrementando as bonificacións fiscais ás áreas con carencia de servizos básicos. Ademais, estenderanse e ampliaranse as bonificacións para vivenda de protección oficial e para todo tipo de obras de rehabilitación e de mellora da accesibilidade, fomentando o aproveitamento da enerxía solar e o uso de vehículos non contaminantes.
María Rozas volve reunirse con Paco Reyes para tratar as ordenanzas fiscais
07/10/2015 Trátase da segunda xuntanza sobre este asunto. A concelleira continúa as conversas cos voceiros da oposición.
A concelleira de Economía e Facenda, María Rozas, continúa as conversas cos voceiros da oposición para tratar as ordenanzas fiscais e contrastar os puntos de vista do resto de grupos. Esta mañá tivo lugar a segunda xuntanza co voceiro do PSdG ao que lle transmitiu a súa proposta de redistribuir a carga fiscal, ampliar as bonificacións en contía e en duración para as familias que máis o necesitan ao mesmo tempo que se fomentan comportamentos respectuosos co medio ambiente.Do mesmo xeito se fará co medio rural incrementando as bonificacións fiscais ás áreas con carencia de servizos básicos. Ademais, estenderanse e ampliaranse as bonificacións para vivenda de protección oficial e para todo tipo de obras de rehabilitación e de mellora da accesibilidade, fomentando o aproveitamento da enerxía solar e o uso de vehículos non contaminantes.