TURISMO E DEPORTES
Ademais, haberá premios para os tres primeiros clasificados, tanto homes como mulleres, nas categorías absolutas, para os tres primeiros clasificados nas diferentes categorías (Júnior, Promesa, Sénior e Veteranos) e, finalmente, para os primeiros empadroados en Santiago.
Máis alá dos importes dos múltiples premios, a organización quere amosar que SantYaGo10K é unha carreira aberta a persoas de ambos sexos, de todas as idades e de todas as procedencias, xa que correr é unha actividade saudable, que mellora a calidade de vida, e que fomenta a superación dun mesmo pero tamén o compañeirismo.
Ata o momento hai xa máis de 900 persoas inscritas na carreira, procedentes de 19 provincias. O prezo de inscrición será de seis euros ata o domingo 26 de abril, cun desconto especial para todos os abonados ao Multiúsos Fontes do Sar, que poderán inscribirse por só tres euros. A partires do 27 de abril, o prezo de inscrición será de 12 euros para todos os participantes. O prazo de inscrición remata o 3 de maio.
O circuíto de carreira, de 10 quilómetros, pasará por varias das rúas principais do Casco Histórico e do centro da cidade. A saída será o sábado 9 de maio ás 22:00 horas e estímase o peche da carreira ás 23:30 horas. A carreira rematará na praza do Obradoiro. Varios membros do club de BTT Os Gaiteiros Non Paran colaborarán coa organización acompañando os corredores durante a carreira e asistindo a aqueles participantes que puideran precisar asistencia.
SantYaGo10K ten tamén unha vocación solidaria que quere amosar o espírito social e colaborativo dos afeccionados ao running. Todos os participantes na carreira poderán entregar alimentos non perecedoiros no momento de recoller o seu dorsal. Os alimentos que se recollan doaranse ao Albergue Xoán XXIII, proxecto social da Orde dos Franciscanos en Santiago.
A carreira nace da man do Club de Atletismo Fontes do Sar que, logo de participar en ducias de carreiras en toda España, deseñou unha cita pensando nos corredores populares e tomando os mellores detalles dunha multitude de probas de todo tipo. As inscricións para SantYago10K poden facerse en www.santyago10k.es, no Multiúsos Fontes do Sar ou no Complexo Deportivo Santa Isabel.
A carreira SantYaGo10K premiará á empresa, asociación ou club con máis participantes
23/04/2015 A primeira carreira nocturna SantYaGo10K premiará á empresa, asociación ou club con maior número de participantes que completen os dez quilómetros do percorrido. Ademais, para fomentar a participación feminina, haberá un premio específico para a empresa, asociación ou club con maior número de mulleres que acaben a carreira. En ambos casos, o premio será de 150 euros.
Para fomentar a participación de persoas procedentes de toda a España e mesmo de fora do país, haberá tamén un premio para o corredor que proceda dende máis lonxe. E para fomentar a idea de que correr é unha actividade que mellora a calidade de vida das persoas maiores, haberá un premio especial para o participante de maior idade. O premio en ambos casos será de 50 euros máis un trofeo conmemorativo.Ademais, haberá premios para os tres primeiros clasificados, tanto homes como mulleres, nas categorías absolutas, para os tres primeiros clasificados nas diferentes categorías (Júnior, Promesa, Sénior e Veteranos) e, finalmente, para os primeiros empadroados en Santiago.
Máis alá dos importes dos múltiples premios, a organización quere amosar que SantYaGo10K é unha carreira aberta a persoas de ambos sexos, de todas as idades e de todas as procedencias, xa que correr é unha actividade saudable, que mellora a calidade de vida, e que fomenta a superación dun mesmo pero tamén o compañeirismo.
Ata o momento hai xa máis de 900 persoas inscritas na carreira, procedentes de 19 provincias. O prezo de inscrición será de seis euros ata o domingo 26 de abril, cun desconto especial para todos os abonados ao Multiúsos Fontes do Sar, que poderán inscribirse por só tres euros. A partires do 27 de abril, o prezo de inscrición será de 12 euros para todos os participantes. O prazo de inscrición remata o 3 de maio.
O circuíto de carreira, de 10 quilómetros, pasará por varias das rúas principais do Casco Histórico e do centro da cidade. A saída será o sábado 9 de maio ás 22:00 horas e estímase o peche da carreira ás 23:30 horas. A carreira rematará na praza do Obradoiro. Varios membros do club de BTT Os Gaiteiros Non Paran colaborarán coa organización acompañando os corredores durante a carreira e asistindo a aqueles participantes que puideran precisar asistencia.
SantYaGo10K ten tamén unha vocación solidaria que quere amosar o espírito social e colaborativo dos afeccionados ao running. Todos os participantes na carreira poderán entregar alimentos non perecedoiros no momento de recoller o seu dorsal. Os alimentos que se recollan doaranse ao Albergue Xoán XXIII, proxecto social da Orde dos Franciscanos en Santiago.
A carreira nace da man do Club de Atletismo Fontes do Sar que, logo de participar en ducias de carreiras en toda España, deseñou unha cita pensando nos corredores populares e tomando os mellores detalles dunha multitude de probas de todo tipo. As inscricións para SantYago10K poden facerse en www.santyago10k.es, no Multiúsos Fontes do Sar ou no Complexo Deportivo Santa Isabel.