NADAL

A Árbore de Nadal decorada polos composteláns xa loce na praza Roxa

26/12/2014 A Árbore das ilusións decorada cos adornos feitos polos veciños e veciñas de Compostela xa loce en todo o seu esplendor no Ensanche de Santiago. Os elementos decorativos tamén se colocaron pola praza Roxa.

No entorno da praza colocáronse os máis de 400 adornos elaborados nos 15 obradoiros desenvolvidos ao longo do último mes coa achega de 13 centros de ensino e particulares. Despois do traballo feito, no que se empregaron fundamentalmente elementos de refugallo, os adornos instaláronse dende o venres 19 ata onte día 22. A árbore estará na praza durante todas as festas do Nadal.

Programación de Nadal
As actividades previstas na programación de Nadal do Concello continúan esta fin de semana con obradoiros especiais dentro de Compostela Gastronómica e no Mercado da Quintana. Tamén seguen a fábrica de agasallos e o nadal nos centros socioculturais. Todas as actividades poden consultarse no programa de Nadal da web municipal e no documento adxunto.

Compartir: