CULTURA
O pack cósmico é unha triloxía de microteatro. En O que ten cu ten medo, os socios internacionais do presidente do goberno, en especial os membros do club Bilderberg, proporciónanlle a este un enxeño capaz de combater a crise. Dúas secretarias descobren que dende hai un anaco fan e din exactamente as mesmas cousas en A coincidencia cósmica. Na terceira entrega, O cataclismo, o presidente do país ten algo que comunicar ao seu persoal: o mundo enteiro está a piques de sufrir un cataclismo que reducirá o planeta a po e cinza se ninguén fai nada.
Premio Pousadiño 2013 ao mellor espectáculo teatral (Pousada das Ánimas, Boiro 2013).
Bértola Teatro Desmontable presenta "O pack cósmico" dentro do Bono de Teatro Galego
18/09/2014 A compañía pontevedresa Bértola Teatro Desmontable presenta O pack cósmico esta fin de semana na Zona C. Trátase dunha comedia en galego escrita e dirixida por Mario Iglesias e que poñen sobre as táboas, durante 100 minutos, María Salgueiro, Sé Rial e Xosé Manuel Esperante.
As funcións de O pack cósmico serán venres e sábado ás 21:00 horas e o domingo ás 20:00 horas. As entradas poden adquirirse no despacho de billetes do Teatro Principal, aberto de martes a sábado de 18:00 a 21:00 horas, ademais de na propia Zona C os días de función dende hora e media antes do comezo da mesma. O prezo da entrada é de 8 euros, 7 se se colle co bono, xa que a obra está dentro do Bono de Teatro Galego.O pack cósmico é unha triloxía de microteatro. En O que ten cu ten medo, os socios internacionais do presidente do goberno, en especial os membros do club Bilderberg, proporciónanlle a este un enxeño capaz de combater a crise. Dúas secretarias descobren que dende hai un anaco fan e din exactamente as mesmas cousas en A coincidencia cósmica. Na terceira entrega, O cataclismo, o presidente do país ten algo que comunicar ao seu persoal: o mundo enteiro está a piques de sufrir un cataclismo que reducirá o planeta a po e cinza se ninguén fai nada.
Premio Pousadiño 2013 ao mellor espectáculo teatral (Pousada das Ánimas, Boiro 2013).