MOBILIDADE E DEPORTES
Este servizo, que se presta a petición da S.D. Compostela co obxectivo de facilitar a asistencia dos afeccionados aos encontros deportivos, ten un carácter experimental co obxectivo de poder mantelo ao longo do tempo no caso de que se acredite a súa demanda.
O bus número seis terá parada no Estadio de San Lázaro os días de partido de liga
22/08/2014 A partires deste sábado, 23 de agosto, disporase de servizo de autobús ao estadio de San Lázaro para asistir aos partidos da SD Compostela. Concretamente, será a liña 6 Os Tilos - San Lázaro - San Marcos a que incluirá no seu percorrido o estadio de San Lázaro nos días que se celebren partidos de liga.
Así, este sábado, os autobuses que saian dos Tilos ás 18:30, 19:00 e 19:30 horas desviaranse da súa ruta para parar no estadio. Do mesmo xeito, os servizos que saian de San Marcos ás 21:45 e 22:15 horas accederán ao recinto deportivo para o seu regreso.Este servizo, que se presta a petición da S.D. Compostela co obxectivo de facilitar a asistencia dos afeccionados aos encontros deportivos, ten un carácter experimental co obxectivo de poder mantelo ao longo do tempo no caso de que se acredite a súa demanda.