EMPREGO
Os datos de xullo confirman a consolidación da tendencia positiva na evolución do paro na cidade, xa que dende hai un ano compróbase mes tras mes que hai bos datos respecto dos anos precedentes. De feito, na cidade hai menos persoas rexistradas no paro non só que no ano pasado, senón tamén que no 2012. Sen embargo, como se leva facendo dende que os datos comezaron a ser positivos hai un ano, dende o Concello de Santiago quere facerse unha lectura prudente dos resultados, posto que hai un número importante de composteláns que continúan pasando por situacións difíciles.
Santiago de Compostela baixa das 8.000 persoas rexistradas no paro por primeira vez dende agosto do ano 2011
05/08/2014 No pasado mes de xullo o número de persoas rexistradas no paro en Santiago foi de 7.801, 221 menos que no mes anterior. Deste xeito, xullo é o primeiro mes dende agosto de 2011 no que o número de persoas rexistradas no paro descende de 8.000 na cidade. Trátase dun resultado que consolida a recuperación do emprego na cidade, que comezou a baixar en termos interanuais precisamente en xullo de 2013, cando se rompeu unha racha de 63 meses consecutivos medrando, dende abril de 2008.
Xullo é o sexto mes consecutivo no que descende o paro en Santiago. Dende febreiro o número de persoas paradas na cidade descendeu en 1.530 respecto das 9.331 que se marcaron en xaneiro deste ano. É dicir, neste semestre sumouse un descenso do 16%. Os datos de xullo tamén permiten consolidar o descenso interanual no número de persoas rexistradas no paro na cidade. No mes de xullo deste ano houbo 7.801 persoas rexistradas no paro, 973 menos que as 8.774 de xullo do 2013, o que representa un descenso do 11,09% en termos interanuais. Pero ademais, os datos de xullo continúan coa mellora con respecto aos datos do 2012, cando houbo 8.865.Os datos de xullo confirman a consolidación da tendencia positiva na evolución do paro na cidade, xa que dende hai un ano compróbase mes tras mes que hai bos datos respecto dos anos precedentes. De feito, na cidade hai menos persoas rexistradas no paro non só que no ano pasado, senón tamén que no 2012. Sen embargo, como se leva facendo dende que os datos comezaron a ser positivos hai un ano, dende o Concello de Santiago quere facerse unha lectura prudente dos resultados, posto que hai un número importante de composteláns que continúan pasando por situacións difíciles.