TURISMO

Santiago acolle esta primavera gravacións de televións británicas, xaponesas e malaias

14/04/2014 Nos próximos meses emitiranse documentais sobre Santiago na BBC británica, na NHK xaponesa e na Astro malaia. Turismo de Santiago, a través da Santiago de Compostela Film Commission, busca promocionar a cidade mediante as produccións audiovisuais.

A Concelleira de Turismo, Reyes Leis, e o responsable do servizo para a promoción audiovisual da cidade de Turismo de Santiago, Dimas González, presentaron tres gravacións internacionais que acollerá a cidade nesta primavera coa colaboración da Santiago de Compostela Film Commision.

A comezos de mes estiveron na cidade técnicos da BBC para buscar localizacións e gravando recursos para a gravación dun capítulo da serie "Great Continental Railway Journeys". Nas vindeiras semanas desprazarase a Santiago o presentador do programa para rematar a gravación, o ex-ministro británico Michael Portillo.

O programa sigue os consellos dunha guía de trens prublicada en 1913, titulada ‘Bradshaw’s Continental Railway Guide’, que os turistas ingleses usaban para explorar Europa hai un século. O programa quere amosar como era Europa na primera década do século vinte. No caso de Santiago, o programa centrarase na importancia do Camiño de Santiago e a Catedral para os británicos a comezos de pasado século.

Nesta primavera tamén estará na cidade un equipo da televisión pública xaponesa NHK, que tamén gravará un programa sobre Santiago e o Camiño de Santiago. No programa resaltaranse ademais os nexos de unión entre España e Xapón aproveitando a celebración do Ano Dual entre ambos países, que no caso de Santiago concrétase na relación de irmandade entre o Camiño de Santiago e o Kumano Kodo.

Tamén nesta primavera estará na cidade unha televisión de Malaisia, Astro, que está gravando unha serie de trece documentais sobre España. En cada un destes documentais céntranse nunha cidade ou rexión. No caso do episodio adicado a Santiago tratarán a importancia do Camiño de Santiago, pero tamén da gastronomía da cidade. A presentadora do programa é Lenna Lim, quen en 2011 foi a gañadora do concurso de beleza Miss Astro Chinese International e é moi coñecida no país asiático.

Compartir: