ECONOMÍA
A promotora desta iniciativa, Mariela Villar, agradeceu o apoio recibido pola Xunta de Galicia e o Concello de Santiago dende o primeiro momento. Ademais, destacou a colaboración de AGADIC, Paradores, GADISA e Dircom. Tamén dedicou palabras de agradecemento a todos os directivos e directivas participantes no evento pola súa xenerosidades ao animarse a participar e polo seu compañeirismo, que fixo do grupo un verdadeiro equipo.
Pola súa parte, a directora de Turismo incidiu na importancia de innovar e aportar valor engadido ás empresas turísticas "Todas as iniciativas que como CCamina traballan para mellorar a formación e implementar novas tecnoloxías ou adaptar o seu negocio aos novos tempos e necesidades amosan a capacidade de emprendemento no sector".
Reyes Leis felicitou tamén aos participantes polo seu traballo e destacou o gran potencial da iniciativa e o tesón e capacidade de traballo da súa promotora.
O evento CCaminata de Líderes ten como finalidade principal promocionar o Camiño de Santiago como un motor de desenvolvemento persoal e profesional e, en particular, como vehículo para actividades de grupos para público empresarial.
Na actualidade, unha das vías de desenvolvemento de novos produtos turísticos para Santiago de Compostela é o chamado turismo de incentivos. O turismo de incentivos diríxese a un público netamente empresarial que emprega as viaxes vinculadas a actividades formativas e de desenvolvemento de dinámicas de grupo como ferramenta de formación e promoción dos seus empregados.
Os participantes na CCcaminata de Líderes Empresariais concluíron a súa peregrinación
25/09/2013 A CCaminata de Líderes, evento de coaching no Camiño de Santiago, finalizou coa chegada de todos os seus participantes a Compostela. Os directivos e directivas das empresas participantes -Endesa, DKV, Applus, TI Automotive, Espina y Delfín, Paradores, Aysinnova e Riocabo Maquinaria- chegaron á praza do Obradoiro con moita emoción despois de compartir cinco etapas do Camiño de Santiago.
O acto de clausura, celebrado no Parador dos Reis Católicos, contou coa presenza do alcalde compostelán, Ángel Currás; da concelleira de Economía, Reyes Leis; da directora xeral da Axencia de Turismo de Galicia, Nava Castro; e do director xerente de AGADIC, Jacobo Sutil.A promotora desta iniciativa, Mariela Villar, agradeceu o apoio recibido pola Xunta de Galicia e o Concello de Santiago dende o primeiro momento. Ademais, destacou a colaboración de AGADIC, Paradores, GADISA e Dircom. Tamén dedicou palabras de agradecemento a todos os directivos e directivas participantes no evento pola súa xenerosidades ao animarse a participar e polo seu compañeirismo, que fixo do grupo un verdadeiro equipo.
Pola súa parte, a directora de Turismo incidiu na importancia de innovar e aportar valor engadido ás empresas turísticas "Todas as iniciativas que como CCamina traballan para mellorar a formación e implementar novas tecnoloxías ou adaptar o seu negocio aos novos tempos e necesidades amosan a capacidade de emprendemento no sector".
Reyes Leis felicitou tamén aos participantes polo seu traballo e destacou o gran potencial da iniciativa e o tesón e capacidade de traballo da súa promotora.
O evento CCaminata de Líderes ten como finalidade principal promocionar o Camiño de Santiago como un motor de desenvolvemento persoal e profesional e, en particular, como vehículo para actividades de grupos para público empresarial.
Na actualidade, unha das vías de desenvolvemento de novos produtos turísticos para Santiago de Compostela é o chamado turismo de incentivos. O turismo de incentivos diríxese a un público netamente empresarial que emprega as viaxes vinculadas a actividades formativas e de desenvolvemento de dinámicas de grupo como ferramenta de formación e promoción dos seus empregados.