Axenda

Os comisarios Ángel Cerviño e Alberto González-Alegre revisan nunha exposición as nove edicións do Premio Auditorio de Galicia para novos artistas.

Do 11 de outubro ao 26 de febreiro, no Auditorio de Galicia.

• Máis información

Baixo o título Compostela, a Terceira Dimensión, o Consorcio de Santiago promove unha exposición de instantáneas en 3D da cidade de Santiago do estereógrafo coruñés Enrique Criado. Esta mostra reúne un total de 35 imaxes representativas do casco histórico compostelán, en particular da Catedral -como final do Camiño- e da súa contorna.

Ata finais de novembro, na Casa do Cabido.

• Axenda cultural diaria

Retratos sobre fondo negro achéganos a experiencia persoal de Pilo Gallizo, autora con discapacidade visual.

Do 13 ao 26 de outubro, na Fundación Granell.

Exposición organizada polo Concello de Santiago sobre o comercio da cidade e os seus establecementos máis emblemáticos.

Ata o 4 de decembro, no Centro Abanca Obra Social.

• Máis información

O Concello de Santiago e a Coordinadora Galega de ONGD poñen en marcha Compostela+Solidaria', un programa de sensibilización que ten por obxectivo dar a coñecer a realidade dos países empobrecidos, o traballo das ONGD galegas e as alternativas solidarias e xustas que dende aquí contribúen a mudar o mundo. E como a transformación social comeza dende o local, dende os barrios, levaranse a cabo máis de 30 actividades de balde, principalmente nos centros socioculturais da cidade.

Do 17 de setembro ao 16 de outubro, nos centros socioculturais.

• Programa

A Fundacion Eugenio Granell acolle varias exposicións. Unha delas é a titulada Instinto de conservación, unha mostra de carácter didáctico que pretende facer fincapé no concepto de conservación preventiva da man de imaxes da obra de Eugenio Granell e as súas coleccións, arroupado por este espazo envolvente que invita á reflexión. Outras dúas mostras temporais son Eugenio Granell, o encanto de todas as mulleres e Amparo Segarra. Diario fragmentado 2016.

Ata o mes de decembro, na Fundación Eugenio Granell.

• Máis información
• Axenda cultural diaria

Aquilo que se ve e aquilo que se oculta. Existe un intento de comunicación, unha imposibilidade tamén, que vertebra o proxecto expositivo que propón Jacobo Bugarín para o espazo da Zona C.

Do 14 de outubro ao 20 de novembro, na Zona C.

• Axenda cultural diaria

O Concello de Santiago unifica toda a súa programación infantil, utilizando o idioma como elemento de conexión.

Durante o outono, en varios espazos da cidade.

• Máis información

Liñas Paralelas é un ciclo que xunta relato breve e música en vivo. As sesións, conducidas polo escritor, actor e músico Pepe Sendón, consisten nunha escolma monográfica de relatos coidadosamente seleccionados, moitos deles traducidos ao galego por vez primeira. Os relatos van acompañados pola música en directo de Suso Alonso, Alfonso Calvo, Marcos Teira, Nenoescuro e Narf.

Calendario de sesións:
- Relatos imposibles: 7 de outubro, ás 20:00 horas, no CSC de Santa Marta.
- Crimes imperfectos: 14 de outubro, ás 20:00 horas, no CSC de Santa Marta.
- Terapias de parella: 21 de outubro, ás 20:00 horas, no CSC de Santa Marta.
- Sucesos atroces: 28 de outubro, ás 20:00 horas, no CSC de Santa Marta.
- Asuntos de defuntos: 29 de outubro, ás 20:30 horas, no CSC de Conxo.
- Crónicas de Siria: 11 de novembro, ás 20:00 horas, no CSC de Santa Marta.
- Contos macabros: 19 de novembro, ás 20:30 horas, no CSC de Conxo.
- Instintos animais: 25 de novembro, ás 20:00 horas, no CSC de Santa Marta.

• Máis información

Un home parado diante dun semáforo en vermello fica cego subitamente. É o primeiro caso dunha «cegueira branca» que se expande de maneira fulminante. Internados en corentena ou perdidos na cidade, os cegos terán que enfrontarse co que existe de primitivo na natureza humana: a vontade de sobrevivir a calquera prezo.

O venres 14 e o sábado 15 de outubro, ás 20:30 horas, no Teatro Principal.

• Máis información
• Axenda cultural diaria