Viernes 12 de diciembre 2014

Axenda

Nadal 2014

O Concello de Santiago ofrece este Nadal unha variada programación, con actividades orientadas á participación de todos os públicos.

Do 5 de decembro ao 5 de xaneiro, en diversos espazos da cidade

Axenda

"Gold, green and black", mostra fotográfica sobre as cores da cidade

O Consorcio de Santiago presenta a exposición Gold, green and black no soto do Museo das Peregrinacións e de Santiago. A mostra reúne 60 fotografías que ilustran a gama de cores tan característica da cidade compostelá. Son imaxes dos fotógrafos galegos Alberte Peiteavel, Adolfo Enríquez e Tono Arias e da deseñadora Uqui Permui, directora da montaxe.

Ata o 31 de decembro, no Museo das Peregrinacións e de Santiago. De martes a sábado, polas mañás de 10:00 a 14:00 horas e polas tardes de 17:00 a 21:00 horas (a partir do 1 de novembro comeza o horario de inverno, que pasa a ser de 16:00 a 20:00 horas). Os domingos o museo abre de 11:00 a 14:00 horas e os luns permanece pechado.

Axenda

Exposición antolóxica de Miguelanxo Prado no Museo das Peregrinacións

O Consorcio de Santiago e El Patito Editorial organizan a exposición Mar interior. Miguelanxo Prado, unha mostra antolóxica do debuxante galego, a primeira que se realiza en Galicia.

A exposición reúne 59 obras orixinais de toda a carreira de Miguelanxo Prado. Divídese en dúas partes. A sala grande do museo está dedicada ao mar, unha constante na traxectoria do artista e nela poden verse obras de De Profundis, Ardalén, Trazo de Tiza, xunto con distintas ilustracións que teñen en común esta temática. Nesta mesma sala móstranse ilustracións da cidade de Santiago de Compostela, pola que Prado sente unha especial debilidade. Ademais, en tres vitrinas recóllese unha selección das súas obras en distintas linguas, xa que é un dos autores galegos máis traducidos, ata a 17 idiomas.

Noutra sala pódese ver un compendio dos seus primeiros traballos no mundo do cómic e ilustracións que ten realizado para outros escritores galegos e de fóra. Neste espazo tamén se lle rende unha pequena homenaxe ao Xabarín, que Miguelanxo Pradou creou nos noventa. E proxéctase Os Vixilantes do Camiño, a serie de animación en 2D que produciu para a Televisión de Galicia en 1999, inspirada no Camiño de Santiago e que protagonizan os personaxes do Xabarín Club.

Ata o 31 de decembro, no Museo das Peregrinacións e de Santiago.

Axenda

"Maside en Compostela. O testamento pictórico do mestre"

Exponse na Fundación Novacaixagalicia Maside en Compostela. O testamento pictórico do mestre, un proxecto no que colaboran o Concello de Santiago, a familia de Carlos Maside e a devandita Fundación. A través de 31 obras de diversas temáticas, e realizadas con diferentes técnicas que van dende o óleo ata a acuarela, pasando pola tinta china sobre pergameo, o proxecto expositivo presenta un percorrido pola obra e vida deste artista de traxectoria singular que se converteu no principal referente ideolóxico da xeración dos renovadores.

Ata o 31 agosto de 2015, en horario de luns a domingo de 12:00 a 14:00 e de 17:00 a 21:00 horas, no Centro Cultural da Fundación Novacaixagalicia.

Axenda

"Pan! Pan!", comedia musical gañadora do Xuventude Crea 2013

8 personaxes, 5 espazos e toda a banda sonora desta obra creada por só tres actrices e unha bandeira dos Estados Unidos. Pan! Pan!, gañadora do 1º premio Xuventude Crea 2013, é unha comedia con música vocal en directo que parodia os westerns americanos.

Na Zona C:
- Mércores 10 de decembro, ás 20:30 horas.
- Xoves 11 de decembro, ás 20:30 horas.
- Venres 12 de decembro, ás 20:30 horas.
- Sábado 13 de decembro, ás 20:30 horas.
- Domingo 14 de decembro, ás 19:30 horas.

Máis información: Compostela Capital Cultural

Axenda

Compostela Cine Classics 2014: "O tolo do pelo roxo", de Vincente Minnelli

Biografía do recoñecido e famoso pintor impresionista Vicent van Gogh, protagonizada por Kirk Douglas, será comentada por José María Folgar de la Calle, profesor titular da Historia da arte e Historia do Cine da USC.

O venres 12 de decembro, ás 20:30 horas, na Sala Agustín Magán do Centro Sociocultural de Santa Marta.

Máis información: Compostela Capital Cultural

Axenda

A RFG ofrece unha ampla selección de "O Mesías"

O Mesías e o seu "Aleluia" son un referente ineludible da música de Haendel, do Barroco musical e da historia da música… Aínda que a súa trama dramática trata toda a vida de Xesucristo, este monumental oratorio converteuse nunha cita obrigada cando se achega o Nadal. A Real Filharmonía de Galicia volve a ofrecernos unha ampla selección desta obra mestra que contén algunhas das páxinas corais máis inspiradas de Haendel.

O venres 12 de decembro, ás 21:00 horas, no Auditorio de Galicia.

Máis información: Compostela Capital Cultural

Compartir: