Domingo 9 de septiembre 2012

Axenda

"Políptico" na Zona "C"

A Zona "C" acolle a mostra Políptico. Un comentario sobre a posta en valor do patrimonio, un novo proxecto do artista Enrique Lista concibido para este espazo. Comisariado por María Marco, foi o traballo seleccionado no 2011 entre todos os alumnos do curso de posgrao Máster en Arte Museoloxía e Crítica Contemporáneas da Universidade de Santiago de Compostela.

Ata o 23 de setembro, na Zona C.

Máis información: Compostela Capital Cultural

Axenda

"Eugenio Granell no paraíso centroamericano, 1940-1956"

O Auditorio acolle a mostra Eugenio Granell no paraíso centroamericano, 1940-1956, enmarcada no centenario de nacemento do artista. Un rigoroso traballo de selección Pilar Corredoira, comisaria desta mostra, que nos permite coñecer a fondo a etapa do exilio en Santo Domingo, Guatemala e Porto Rico.

Do 4 de xullo ao 4 de novembro, no Auditorio de Galicia.

Máis información: Compostela Capital Cultural

Axenda

ETTU Cup 2012 no Multiusos de Sar

O Multiusos Fontes do Sar é a sede, o sábado 8 e o domingo 9 de setembro, da primeira ronda do torneo internacional de tenis de mesa ETTU Cup 2012, organizada polo club Arteal TM.

Calendario de competicións

Sábado 8

1º partido ás 11:30 horas

Arteal Tenis de Mesa --- Libertas-Marinkolor" Dubrovnik
Sporting Club de Portugal --- B-Batt

2º partido ás 17:30 horas

Libertas-Marinkolor" Dubrovnik --- Sporting Club de Portugal
B-Batt ---Arteal Tenis de Mesa

Domingo 9

Arteal Tenis de Mesa --- Sporting Club de Portugal
B-Batt --- Libertas-Marinkolor" Dubrovnik

Axenda

Concerto da Banda Municipal

A Banda Municipal de Música de Santiago sae unha vez máis á rúa para achegar a música a todos os composteláns e visitantes. A programación que presenta pretende recoller todos os gustos e estilos musicais propios das formacións bandísticas, potenciando especialmente a música galega. Desta vez, a Banda súmase ás festas do barrio de Guadalupe.

O domingo 9 de setembro, ás 13:30 horas, no barrio de Guadalupe.

Axenda

Encontro de corais no Principal

O Teatro Principal acolle o I Encontro de Corais Compostela Canta. Serán dúas sesións nas que dez corais da cidade amosarán o mellor do seu repertorio.

A sesión do sábado 8 terá como protagonistas as corais A Xuntanza, Santa Susana, Amigos de Compostela, A Ruliña de Laraño e Cantigas e Agarimos. O domingo 9, estarán sobre o escenario as corais La Salle, Asubío, Coto da Nai, Irmán Gómez e Castrosúa.

O sábado 8 e o domingo 9 de setembro, ás 20:00 horas, no Teatro Principal.

Compartir: