Viernes 14 de septiembre 2012

Axenda

"Políptico" na Zona "C"

A Zona "C" acolle a mostra Políptico. Un comentario sobre a posta en valor do patrimonio, un novo proxecto do artista Enrique Lista concibido para este espazo. Comisariado por María Marco, foi o traballo seleccionado no 2011 entre todos os alumnos do curso de posgrao Máster en Arte Museoloxía e Crítica Contemporáneas da Universidade de Santiago de Compostela.

Ata o 23 de setembro, na Zona C.

Máis información: Compostela Capital Cultural

Axenda

"Eugenio Granell no paraíso centroamericano, 1940-1956"

O Auditorio acolle a mostra Eugenio Granell no paraíso centroamericano, 1940-1956, enmarcada no centenario de nacemento do artista. Un rigoroso traballo de selección Pilar Corredoira, comisaria desta mostra, que nos permite coñecer a fondo a etapa do exilio en Santo Domingo, Guatemala e Porto Rico.

Do 4 de xullo ao 4 de novembro, no Auditorio de Galicia.

Máis información: Compostela Capital Cultural

Axenda

"Queda terminantemente prohibido sufrir nas paredes"

Queda terminantemente prohibido sufrir nas paredes é unha singular proposta de teatro experimental con Clara Gayo, Rula Blanco e Rocío González. No espazo común, tres mulleres e tres discursos. Corpo e texto para unha reflexión sobre o Ben e o Mal, sobre a inocencia e os verdadeiros culpabeis, sobre destinos escritos nos rexistros da beneficiencia, sobre a entelequia da igualdade social. Sobre mulleres no derradeiro escalafón da supervivencia.

O venres 14 e o sábado 15 setembro, ás 20:30 horas, e o domingo 16, ás 19:30 horas, na Zona C.

Axenda

Nacho Vegas

Nacho Vegas é hoxe en día un dos cantautores do que podemos chamar ’indie’ máis prolíficos do noso país. Dará o seu único concerto en Galicia dentro do ciclo Íntimo&Acústico no que promete ser unha das citas musicais máis relevantes da temporada

O venres 14 de setembro, ás 21:00 horas, no Teatro Principal.

Compartir: