Venres 23 de setembro 2016

Axenda

30 Semana Cultural de Conxo

A Semana Cultural de Conxo alcanza xa a súa 30ª edición, cun programa repleto de obradoiros, xogos, música, deporte...

Do 20 ao 24 de setembro, en diversos espazos do barrio de Conxo.

Axenda

Programación infantil con Apego

No marco do programa Apego, o Concello de Santiago agrupa toda a programación infantil en galego, de xeito que as familias poidan atopar facilmente todas as propostas dos diferentes departamentos municipais para os máis pequenos da casa.

Durante todo o verán, en diversos espazos da cidade.

Axenda

Mostra "80 anos. Santiago 1936" na Fundación Granell

A exposición 80 anos. Santiago 1936 pretende explicar como, en tan poucos días, Santiago pasou de ser unha cidade en plenas festas do Apóstolo, na que aínda se festexaba o Estatuto de Autonomía de Galicia, ao triunfo do golpe de estado. Como as rúas de Compostela pasaron de ser un espazo de convivencia, pugna e pluralidade democrática, a converterse no escenario do medo, da persecución e da matanza.

Do 7 de xullo ao 25 de setembro, na Fundación Granell (praza do Toural). A mostra pode visitarse de martes a venres de 11:00 a 14:00 e de 16:00 a 20:00, e os sábados de 12:00 a 14:00 e de 17:00 a 20:00 horas.

Axenda

Compostela + Solidaria, actividades de sensibilización nos centros socioculturais

O Concello de Santiago e a Coordinadora Galega de ONGD poñen en marcha Compostela+Solidaria', un programa de sensibilización que ten por obxectivo dar a coñecer a realidade dos países empobrecidos, o traballo das ONGD galegas e as alternativas solidarias e xustas que dende aquí contribúen a mudar o mundo. E como a transformación social comeza dende o local, dende os barrios, levaranse a cabo máis de 30 actividades de balde, principalmente nos centros socioculturais da cidade.

Do 17 de setembro ao 16 de outubro, nos centros socioculturais.

Axenda

Peregrinos Musicais e a RFG

O Festival Peregrinos Musicais clausura a súa VI edición cun concerto no que os peregrinos actuarán coa Real Filharmonía de Galicia.

O venres 23 de setembro, ás 20:30 horas, no Auditorio de Galicia.

Axenda

"He who loves beauty", último concerto do XVII Ciclo de Lied

A XVII edición do Ciclo de Lied pecha cun concerto dramatizado para tenor, actor e piano homenaxeando o 40 cabodano de B. Britten, nunha estrea absoluta que contará co tenor Jorge N. Colorado e o áctor Martín Puñal.

O venres 23 de setembro, ás 20:30 horas, no Teatro Principal.

Máis información: Compostela Capital Cultural

Compartir: