Ayuntamiento de Santiago de Compostela

Saltar a los contenidos
Utilidades (Saltar):

Idiomas (Saltar):



Portada » E-Santiago » Avisos
Compartir:

Avisos

Los avisos sirven para dar a conocer los comunicados de carácter urgente, licitaciones abiertas, calles cortadas al tráfico y desvíos alternativos.

MOBILIDADE

Renovación de tarxetas por razón de municipio

Desde o 15 de xaneiro ata o 28 de febreiro todas aquelas persoas que teñan tarxeta de estacionamento por razón de municipio deberán abonar a taxa de 50 euros correspondente ao ano 2015. Para iso só será necesario presentar D.N.I (ou fotocopia) do propietario do vehículo. De non facer o abono no devandito prazo establecido a tarxeta será anulada.

O pago efectuarase na empresa Setex Aparki S.A. en Avda. Lugo, 4, en horario de luns a venres de 10 a 14 e de 16,30 a 20,30 e sábados de 10 a 14 horas.

MOBILIDADE

Corte de tráfico na rúa dos Xasmíns

O vindeiro sábado 10 de xaneiro pecharse ao tráfico a rúa dos Xasmíns por mor da colocación dun grindastre autopropulsado no convento do Carme.

Os vehículos de residentes da rúa Costa Nova de Arriba e Xasmíns accederán aos garaxes pola Costa Nova, na que se invertirá o sentido de circulación, é dicir, o tráfico quedaría de subida e sairán cara á rúa Loureiros e rúa Hospitaliño. Os vehículos que se atopen aparcados na rúa Xasmíns sairán cara á rúa de Coimbra.

O Concello de Santiago de Compostela prega aos cidadáns desculpen as molestias que estas alteracións no tráfico lles poidan ocasionar.

MOBILIDADE

Cambios no tráfico por mor da Cabalgata de Reis

A Concellería de Seguridade e Mobilidade do Concello de Santiago de Compostela informa que o vindeiro luns, 5 de xaneiro, con motivo da celebración da tradicional Cabalgata de Reis, adoptaranse as seguintes medidas de ordenación do tráfico:

1.- A partir das 14.00 h. queda prohibido o estacionamento na explanada da Estación do ferrocarril, lugar de concentración da comitiva da Cabalgata de Reis.

2.- A partir das 15.00 h. queda prohibido o estacionamento nas seguintes rúas afectadas polo itinerario da Cabalgata: Santiago de Chile (tramo comprendido entre A Rosa e Frei Rosendo Salvado), Frei Rosendo Salvado (tramo entre Santiago de Chile e Praza Roxa), República do Salvador e Hórreo (tramo que vai dende República do Salvador ata a praza de Galicia). Nas rúas citadas produciranse cortes temporais de tráfico de acordo co paso da Cabalgata.

3.- Recoméndase aos condutores que eviten circular pola avenida de Lugo durante o inicio da Cabalgata (que ten prevista a súa saída ás 18.00 h. da estación de ferrocarril) polos cortes que se producirán á altura do Hórreo e na rotonda da Pontepedriña, empregando como alternativa para atravesar a cidade o túnel do Hórreo.

Así mesmo, recoméndase aos condutores que, na medida do posible, eviten circular polo centro urbano ao longo da tarde deste luns.

4.- Desvíos:

Dende a rúa Doutor Teixeiro, pola praza de Pontecastro, a rúa da Rosa, a rúa Antonio Casares e avenida de Lugo, ou ben polo Hórreo e avenida de Lugo.

Dende Vista Alegre-Salvadas, en dirección ao Campus Sur e á estrada de Noia (C-543), polas rúas Poza de Bar e San Lourenzo.

Dende os vieiros procedentes de Ourense e da Estrada, en dirección á zona sur -estradas de Pontevedra (N-550) e Noia (C-543)-, pola zona do Castiñeiriño, a través do vieiro Santiago de Cuba e a través do cuarto xiro de Cornes, para así incorporarse ao periférico e dende alí ás estradas referidas.

Recoméndase igualmente aos condutores que circulen dende a zona sur ao norte da cidade (e viceversa) que, na media do posible, circulen pola AP-9, xa que o periférico, no tramo de saída próximo á estación de ferrocarril, resultará afectado pola cabalgata.

As liñas do transporte urbano que circulan polo percorrido sufrirán durante o paso das carrozas pequenas alteracións das que se dará conta a través dos paneis informativos.

O Departamento de Seguridade e Mobilidade prega aos cidadáns que respecten estas indicacións e desculpen as molestias que estes cortes lles poidan ocasionar. Así mesmo, a Policía Local e Protección Civil piden que se sigan as súas indicacións.

PLENO

Orde do día do Pleno extraodinario do luns 5 de xaneiro

9.00 h
Pleno extraordinario
Na Casa do Concello, sesión extraordinaria do Pleno da Corporación coa seguinte orde do día:
1. Ratificación, se procede, da urxencia da sesión.
2. Resolución de alegacións e aprobación definitiva, se procede, do orzamento e cadro de persoal do concello para o ano 2015.



Enviar | Imprimir | Arriba

© 2005, Ayuntamiento de Santiago. Pazo de Raxoi. Praza do Obradoiro. Tel.: 981 542 300 (Centralita) 981 542 357 (Alcaldía). Aviso legal