Os avisos serven para dar a coñecer os comunicados de carácter urxente, licitacións abertas, rúas cortadas ao tráfico e desvíos alternativos.



SEGURIDADE CIDADÁ

Incidencias Policía Local

SERVIZOS PRESTADOS POLA POLICÍA LOCAL

Dende as 08:00 horas do día 01/12/2022 ata as 08:00 horas do día 02/12/2022


--:-- LOCALIZACIÓNS PERMANENTES: de tres persoas.
--:-- INSPECCIÓNS E CONTROIS: en varias zonas da cidade.
09:00 AUXILIO E TRASLADO: préstase auxilio a unha persoa que se atopaba indisposta.
16:45 ACCIDENTE DE CIRCULACIÓN: na rúa Castrón Douro, consistente nunha saída de vía e posterior choque contra farol.
17:00 ACCIDENTE DE CIRCULACIÓN: na rúa do Restollal prodúcese o atropelo dun peón cando cruzaba polo paso de peóns por parte dun turismo, con resultado dunha persoa ferida de carácter moi leve.
19:45 MANIFESTACIÓN: na praza 8 de Marzo préstase servizo por mor dunha concentración.
21:10 AUXILIO: préstase auxilio a unha persoa que se atopaba desorientada.
22:00 AUXILIO: préstase auxilio a unha persoa que se atopaba desorientada.
23:30 CONTROL DE MASAS: contrólase o acceso a establecementos de ocio nocturno.
--:-- ACTA-DENUNCIA POR CONSUMO DE ALCOHOL EN VÍA PÚBLICA: 5 propostas de sanción.
06:15 CONTROL DE HORARIO DE PECHE DE LOCAIS DE OCIO NOCTURNO: contrólanse varios locais.
--:-- FESTAS EN PISOS: acódese a dous pisos, negativos.

MOBILIDADE

Servizos de reforzo na liña C11 durante o mes de decembro

A liña C11 verase reforzada nos horarios indicados os días 4, 6, 8, 11 e 18 de decembro de 2022 con pasos cada 20 minutos desde as 10:00 ata a finalización do día.

As restantes liñas do transporte urbano terán cada un dos días o horario habitual de domingos e festivos.

MOBILIDADE

Servizos para asistir ao partido de baloncesto no multiúsos de Sar (sábado 3 de decembro)

Servizos de transporte para asistir ao partido do Monbus Obradoiro o sábado 3 de decembro ás 20:45 no multiúsos Fontes do Sar:

Haberá un servizo lanzadeira desde a rúa da Rosa ata o multiúsos Fontes do Sar a partir das 19:45.

A liña C11 (circular de Fontiñas) accederá ao multiúsos Fontes do Sar nas viaxes con paso aproximado por praza de Galicia ás 19:45, 20:00, 20:15 e 20:30. As paradas máis céntricas para coller esta liña sitúanse na praza de Galicia, rúa da Ensinanza e rúa Virxe da Cerca.

Ao remate do partido manterase o servizo lanzadeira con destino á rúa da Rosa.

MOBILIDADE

Modificación na liña 4 na zona do Romaño (a partir do mércores 30 de novembro)

A partir do mércores 30 de novembro, a liña 4 do transporte urbano modificará por motivos de seguridade a súa parada terminal de liña na zona do Romaño.

En todos os servizos da liña, os autobuses realizarán o cambio de sentido en Ponte do Romaño na rotonda de confluencia có vial que accede ao polígono do Tambre, realizando deste xeito a parada situada ao carón da devandita rotonda.

A actual parada terminal da liña 4 pasará a ser a segunda parada do percorrido en sentido ao centro da cidade.

MOBILIDADE

Modificación na liña P7 (a partir do luns 21 de novembro)

A partir do luns 21 de novembro, varios servizos do autobús que cobre a ruta de Pardaces da liña P7 modificarán uns minutos a súa saída:

Luns a venres laborables:

*Pardaces - Porta do Camiño, 6:50 --- pasa a realizarse ás 6:45

*Pardaces - San Caetano, 7:30 --- pasa a realizarse ás 7:20

*San Caetano - Peregrina (circular Aradas), 7:55 --- pasa a realizarse ás 7:45

*Volta Peregrina-Aradas-Pardaces-Porta do Camiño, 8:15 --- pasa a realizarse ás 8:05

Os restantes horarios da liña se manteñen como na actualidade.

MOBILIDADE

Corte de tráfico na rúa Costa do Vedor (a partir do 21 de novembro)

A partir do vindeiro luns, 21 de novembro, a rúa Costa do Vedor quedará cortada ao tráfico por mor da realización de obras para a reparación da parte da calzada que conta con chapacuña. O tramo afectado, que se estende dende o cruce coa rúa Pablo Leis ata a Cruz de San Pedro (dos números 2 ao 14 e do 1A ao 17), estará totalmente pechado á circulación durante 12-14 días, o tempo necesario para o fraguado do material.

No resto da rúa, os residentes poderá acceder aos seus garaxes a través da rúa Quiroga Palacios, polo que para facillitar o posible cruce entre vehículos,quedará prohibido o aparcamento en superficie das dúas zonas existentes da rúa.

De igual modo, o luns día 28 de novembro, as obras de reparación do pavimento trasladaranse á rúa das Fraguas. Nesta caso, a realización dos traballos permitirá a circulación dos vehículos, pero o espazo de estacionamento estará destinado ao paso dos vehículos, polo que quedará prohibido o aparcamento.

O Concello de Santiago prega á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa dos Xasmíns

No marco do proceso da implantación do servizo de fibra óptica, pecharase ao tráfico a rúa dos Xasmíns dende o martes 15 de novembro durante 15 días.

O Concello de Santiago prega á cidadanía que desculpe as molestias que estas alteracións lles poidan ocasionar.

MOBILIDADE

Cortes de tráfico no cruce da rúa Montero Ríos coa rúa Xeneral Pardiñas (a partir do 11 de novembro)

A partir do vindeiro venres día 11 de novembro darán comezo as obras para a substitución do empedrado existente na calzada deste cruce, por unha plataforma de formigón. O cruce que conta con preferencia peonil quedará cortado totalmente á circulación ata o final deste mes de novembro.

Para a realización destes traballos son necesarios os seguintes cambios no tráfico:

Rúa Montero Ríos:
Quedará cortada á circulación dende o cruce coa rúa da Rapa da Folla. Só poderán acceder os residentes do tramo afectado e os vehículos de carga e descarga. A saída para os vehiculos será pola rúa de Alfredo Brañas. Polo tanto, durante as obras, o tramo entre esta rúa e o punto en obras será de dobre sentido.

O tramo final da rúa Montero Ríos, entre Xeneral Pardiñas e a rúa Doutor Teixeiro, tamén sufrirá restriccións, podendo acceder a él dende a praza de Galicia só os residentes e os taxis á súa zona de espera habitual, facendo a entrada e a saída dende este punto.

Rúa Xeneral Pardiñas:

Esta rúa quedará cortada ó tráfico desde o cruce coa rúa República do Salvador. So poderán acceder os vehículos dos residentes deste tramo e os de carga e descarga, realizando tanto a entrada como a saída dende o mencionado cruce.

O primeiro tramo da rúa Xeneral Pardiñas, entre a rúa de Montero Ríos e a rúa Carreira do Conde. quedará invertido o seu sentido de circulación, accedendo só os residentes e a carga e descarga dende a Carreira do Conde, polo que é necesario invertir tamén o seu sentido de circulación, realizando a entrada dende a rúa Rapa da Folla e a saída obrigatoria cara a rúa da Senra.

Transporte urbano

Durante as obras, as liñas de transporte urbano 5, 13, 15, C11 e P6 sufrirán as seguintes modificacións no seu percorrido:

Paradas suprimidas:

-673 Xeneral Pardiñas nº 35

-674 Xeneral Pardiñas nº 7

Desvíos:

*Liña 5 (traxecto Rocha – Vite), liña 15 (traxecto Campus Sur - Campus Norte) e liña P6 (traxecto Rosa - Polígono do Tambre): desde a rúa República Arxentina desviaranse pola praza de Ponte Castro, rúa do Hórreo e cambiarán de sentido na pza. de Galicia para acceder á parada habitual 409 (pza. de Galicia, sentido norte).

*Liña 13: rematará o seu percorrido na pza. de Galicia, desde onde iniciará de novo cara Belvís.

*Liña C11: desde a rúa Santiago de Guayaquil desviarase pola rúa do Hórreo e cambiará de sentido na pza. de Galicia para acceder á parada habitual 409 (pza. de Galicia, sentido norte).

O Concello de Santiago prega á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa do Hórreo (a partir do 7 novembro)

O vindeiro luns día 7 de novembro darán comezo as obras de construción da nova rotonda da rúa do Hórreo, situada á altura da rúa de San Pedro de Mezonzo.

Os traballos terán unha duración aproximada dunha semana, condicionada pola climatoloxia para a súa terminación, tanto das obras como da sinalización horizontal e vertical.

O tráfico quedará afectado de forma que os dous carrís de subida e os dous de baixada pasarán a un só carril en cada sentido no tramo afectado polas obras.

O Concello de Santiago de Compostela prega á cidadanía desculpe as molestias que estas alteracións no tráfico lles poidan ocasionar.

MOBILIDADE

Corte de tráfico na rúa do Pombal (a partir do 8 de novembro)

Debido aos traballos de mellora do último tramo do muro da rúa do Pombal, dende o vindeiro martes día 8 de novembro, o carril de subida desta rúa vai quedar cortado ó tráfico.

O corte á circulación será efectivo dende as 9,30 horas do día 8 e terá unha duración aproximada de 30 días. Os vehículos, incluidas as liñas do transporte urbano, desviaranse no cruce cor rúa de Galeras polas rúas de Poza de Bar e San Lourenzo cara o Campus Universitario.

Transporte público

Debido ao peche ao tráfico en sentido de subida da rúa do Pombal, as liñas indicadas de seguido realizarán un percorrido alternativo, a partir das 9:30 do vindeiro martes día 8 de novembro e polo tempo que duren as obras.

Desvíos:

*Liña 4, traxecto Romaño – As Cancelas.

*Liña 9, traxecto Casas Novas – Cidade da Cultura.

*Liña C4, circulando desde Galeras a hospitais.

*Liña P1, traxecto Folgoso – San Caetano.

*Liña P7, traxectos desde Grixoa, Peregrina e Pardaces a Porta do Camiño e San Caetano.

Estas liñas nos traxectos indicados desviaranse por Poza de Bar, avda. das Burgas, avda. da Coruña e Rosalía de Castro.

Paradas suprimidas:

Quedará suprimida a parada 553, San Clemente (Alameda, en sentido a Senra) para todas esas liñas, e a maiores, a parada 113, Xoán Carlos I (igrexa do Pilar) para a liña C4.

Paradas alternativas no desvío:

As liñas 4, 9, P1 e P7 realizarán como paradas alternativas:

- 78, avda. da Coruña (cruce Feáns)

- 112, avda. Xoán Carlos I, sentido Senra

A liña C4 realizará soamente a parada 78, avda. da Coruña (cruce Feáns).

O Concello de Santiago prega á cidadanía que desculpe as molestias que estas alteracións lles poidan ocasionar.


Compartir: