Obradoiros Máis alá!
| Descrición | Os Obradoiros Máis alá!, programados desde o ano 2000, son unha aposta a prol da dinamización da mocidade, a partir do coñecemento e do cuestionamento dos prexuízos para chegar a provocar cambios nos hábitos lingüísticos. Os obradoiros, que desenvolve a cooperativa Tagen Ata, achegan as metodoloxías da animación sociocultural para facer atractiva a reflexión sociolingüística. Compóñense de nove sesións divididas en tres bloques de contido que, de maneira progresiva, achegan a realidade do uso social da lingua procurando unha toma de partido positiva. O traballo na aula complétase con saídas –ciberviaxes e visitas a empresas e institucións- que permiten aos participantes recoller materiais e puntos de vista de cara a unha exposición –aberta a toda a comunidade escolar. E, finalmente, a proposta remata cunha convivencia fóra do centro escolar, un peche lúdico co que comprobar a rendibilidade de vivir en galego. |
| Dirixido a | A oferta chega ao alumnando, coa colaboración dos equipos de normalización dos centros de ensino, a través dun folleto, dos materiais explicativos para o profesorado e de sesións de presentación. A partir dunha inscrición previa, compóñense grupos máis ou menos homoxéneos en cada un dos niveis para asistir os obradoiros, que teñen lugar durante o curso escolar, e nos últimos meses do curso, todos/as os/as teñen a ocasión de vivir en galego durante unha fin de semana. |
| Notas para o cidadán | Os Obradoiros Máis alá! queren espertar o interese ou enriquecer a sensibilidade pola nosa lingua, analizar as razóns e propor os camiños para empregala na vida cotiá. Un dos ámbitos a que a Concellaría de Política Lingüística Lingüística está a dedicar máis esforzos é o da mocidade. As razóns son abondo coñecidas: o baixo uso do galego que se dá na poboación máis nova; as boas actitudes que, pola contra, amosan os diversos estudios; e a importancia deste sector para garantir o futuro da lingua. |
| Solicítase en | Lingua galega
Enderezo: Pazo de Raxoi, entrada polo baixo da Travesía de Raxoi, 1º andar
Tel.: 981 542 409 Fax: 981 542 410 Correo: Contactar co Concello |
A miña compostela
Pon esta web máis cómoda, máis rápida, máis ao teu xeito.