FESTAS
Máis de 2.000 persoas viviron en Amio unha nova edición da Festa do Maiores
Celebrouse no recinto feiral de Amio a décimo cuarta edición da Festa para os nosos maiores, que contou con máis de 2.000 participantes.
FESTAS
O Principal acolle catro representacións da exitosa comedia "Ni contigo... ni sin ti"
O concelleiro de Festas, Francisco Noya, presentou as catro representacións da obra de teatro Ni contigo... ni sin ti, outra das propostas destas Festas da Ascensión. Acompañouno un dos actores, Jesús Cisneros, quen convidou o público a gozar desta comedia.
FESTAS
Santiago celebrou o Día das Letras Galegas e a xornada grande da Ascensión
O Concello de Santiago uniuse á celebración do Día das Letras Galegas coa celebración dun concerto especial da Banda Municipal, acompañada da lectura de poemas do homenaxeado nesta edición, Valentín Paz Andrade. O Goberno municipal participou neste acto, trasladándose logo á Alameda para seguir vivindo a xornada grande das festas da Ascensión.
DEPORTES
Compostela acollerá o xoves 17 unha nova edición da Carreira Ciclista da Ascensión
A praza do Obradoiro acolleu a presentación da Carreira Ciclista da Ascensión, que se celebrará o xoves 17, con saída ás 15:00 horas na avenida de Juan Carlos I e chegada á mesma rúa. Esta proba, convertida xa nun clásico do calendario ciclista, contará coa presenza de equipos galegos, asturianos, leoneses e portugueses.
XUVENTUDE
Obradoiros, música e un espectacular descenso en BTT para celebrar unha xornada de cultura urbana nas festas da Ascensión
O concelleiro de Xuventude, Adrián Varela, presentou o Festival de Cultura Urbana, que se celebrará o sábado 19 no marco das Festas da Ascensión. Celebraranse varios obradoiros, un concerto e o I Descenso Wild Wolf Santiago Down Town.
COMERCIO
O comercio compostelán celebra o 18 de maio a primeira Noite Aberta de Primavera
A Concellería de Comercio, dirixida por Reyes Leis, organiza por primeira vez a Noite Aberta de Primavera do comercio compostelán, que se celebrará o venres 18 de maio e que se integra dentro do programa municipal de actividades das Festas da Ascensión.
DEPORTES
Autobuses lanzadeira dende Ramón Piñeiro para asistir ao I Freestyle de Santiago
Os pilotos participantes no I Freestyle de Santiago de Compostela visitaron o Pub A Quintana, entregaron ao seu xerente, Félix García Insua, un casco firmado por todos os participantes e doado por Motos Dagan off Road. Na xornada do xoves, día da Ascensión, agárdalles unha reñida competición, onde todos os pilotos se medirán co campión do mundo Dani Torres.
FESTAS
A Feira Cabalar da Ascensión programa un espectáculo de doma de alta escola en homenaxe a Rosalía de Castro
O xoves 17 de maio, festividade da Ascensión, celebrarase a tradicional Feira Cabalar no Mercado Nacional de Gando de Santiago de Compostela, en Amio. O programa inclúe a exhibición de doma con cabalos de pura raza galega a cargo da sección de doma da Asociación Pura Raza Cabalo Galego.
FESTAS
O Concello de Santiago deseña un completo programa da Ascensión para implicar os composteláns nas súas festas
O concelleiro de Festas, Francisco Noya, presentou o programa das Festas da Ascensión, que se celebrarán do 16 ao 20 de maio. Acompañárono na rolda de prensa Xoel López e Eladio, de Eladio y los Seres Queridos, uns dos protagonistas no concerto principal destas festas, o festival SONA.