Festas do Apóstolo 2015

Uns 15 minutos de fogos artificiais pecharon as festas do Apóstolo máis diversas, descentralizadas e abertas. Foron 15 días de actividades, todas de balde, cunha participación masiva de composteláns e visitantes. Dende o punto de vista musical, o broche ás festas púxoo a Real Filharmonía de Galicia cun concerto na praza da Quintana ao que o público respondeu con entusiasmo e longos aplausos.

A penúltima xornada das festas do Apóstolo xuntou na praza da Quintana cinco bandas galegas de consolidada traxectoria e moi variada proposta estilística.

A xornada deste xoves 30, previa ao peche das festas do Apóstolo, será unha desas noites para lembrar en Compostela, xa que se xuntarán na praza da Quintana cinco bandas galegas de consolidada traxectoria e moi variada proposta estilística. O concerto, de entrada libre, comezará ás 22:00 horas e nel poderemos escoitar os composteláns Los Chavales e Ataque Escampe; os vigueses The Soul Jacket, os lucenses/coruñeses Guerrera e o proxecto A Derradeira Noite na Terra, que conforman membros de Malandrómeda, Dios Ke Te Crew e...

As festas do Apóstolo chegan ao seu fin este venres 31 cunha xornada cargada de propostas interesantes. Comezamos ás 20:00 h co pasarrúas a cargo da Trova de Celaya (México), animación que logo continguará da man da Charanga Compostela a partir das 21:30 h. Os pratos fortes serán o concerto da Real Filharmonía de Galicia a partir das 21:00 h na praza da Quintana e os fogos fin de festa dende o Campus Sur ás 23:30 h. Ademais, a partir da medianoite estará a Orquestra Fórmula no paseo central da Alameda.

Na antepenúltima xornada das festas do Apóstolo puidemos escoitar a Banda Municipal de Música, que lle puxo música en directo a Peer Gynt, obra representada polos monicreques da compañía Viravolta Títeres.

A praza da Quintana acolleu a singular fusión de música electrónica e ritmos tradicionais balcánicos do macedonio Kiril Djaikovski. Punto e seguido para unhas festas do Apóstolo que entran xa na súa recta final.

A xornada do mércores 29 poderemos escoitar a Banda Municipal de Música da cidade, que lle poñen música en directo a Peer Gynt xunto cos monicreques da compañía Viravolta Títeres. Trátase dunha actividade que, ademais de estar dentro da programación das festas do Apóstolo, inaugura o programa Verán na rúa, que ofrece distintas propostas ao longo do mes de agosto en prazas e rúas da cidade. O espectáculo, de entrada libre e dirixido a todos os públicos, comezará...

As festas do Apóstolo entran na súa recta final. Esta primeira xornada da última semana de festexos pechouse co concerto de Lila Downs, que tocou en Santiago os temas do seu último disco, Balas y chocolate, baseado na particular relación que os mexicanos teñen coa morte, combinados con algúns dos seus máis coñecidos éxitos e coas súas particulares versións de cancións tradicionais.

As festas do Apóstolo tiveron este luns unha desas citas que se repite cada ano, o Día de Padrón, tradición que tamén se mantén á inversa na celebración de Pascua da vila veciña. Unha vez máis, foi o momento de renovar a colaboración e de estreitar os lazos entre os dous municipios.

As festas do Apóstolo continúan ofrecéndonos actividades variadas e música chegada desde diversas partes do mundo. Tras o concerto de Lila Downs o luns, na xornada do martes teremos a posibilidade de escoitar a fusión da música electrónica coa música tradicional balcánica da man do macedonio Kiril Djaikovski. Será a partir das 22:00 horas na praza da Quintana e con entrada libre.